Boyz 3 : 'बॉईज' परत येतायत... सोशल मीडियावर झळकतोय 'बॉईज 3'चा ट्रेलर

Boyz 3 : 'बॉईज 3' हा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे.

Boyz 3

Boyz 3 : काही वर्षांपूर्वी धैर्य, ढुंग्या आणि कबीर या 'बॉईज'ने अवघ्या महाराष्ट्रात धुमाकूळ घातला होता. हा धुमाकूळ कमी म्हणून पुन्हा 'बॉईज 2' मधून ते डबल धमाका घेऊन प्रेक्षकांच्या भेटीला आले आणि अजूनही प्रेक्षकांचे मन भरत नसल्याने परत तसाच किंबहुना त्याहीपेक्षा जास्त राडा घालायला हे तीन अतरंगी पुन्हा एकदा सज्ज झाले आहे. 'बॉईज 3' (Boyz 3) हा सिनेमा लवकरच प्रेक्षकांच्या भेटीला येणार आहे. नुकताच या सिनेमाचा टीझर आऊट झाला आहे. 

'बॉईज' आणि 'बॉईज 2' ने बॉक्स ऑफिसवर अक्षरशः दंगा घातला होता. 'बॉईज 3'ही प्रेक्षकांच्या भेटीला येणार असल्याची घोषणा झाल्यापासूनच हा सिनेमा कधी एकदा प्रेक्षकांच्या भेटीला येतोय, याची सगळ्यांनाच उत्सुकता लागून राहिली होती. अखेर या सिनेमाचा टिझर प्रदर्शित झाला असून यात हे तिघेही दाक्षिणात्य पेहेरावात दिसत आहेत. 

16 सप्टेंबरला सिनेमागृहात होणार धमाका

टीझरमध्ये तिघांचा एक वेगळाच स्वॅग प्रेक्षकांना अनुभवयाला मिळत आहे. त्यांच्या आयुष्यात पुन्हा एक नवीन मुलगी आल्याचे दिसत आहे. आता तिच्या येण्याने हे काय रंग उधळणार, हे सिनेमा प्रदर्शित झाल्यावरच प्रेक्षकांना कळेल. हा सिनेमा 16 सप्टेंबरला सिनेमागृहात प्रदर्शित होणार आहे. 

'बॉईज 3' या सिनेमाच्या दिग्दर्शनाची धुरा विशाल देवरुखकर यांनी सांभाळली आहे. लालासाहेब शिंदे, राजेंद्र शिंदे, संजय छाब्रिया हे या सिनेमाचे निर्माते आहेत. 'बॉईज 3' या सिनेमात प्रतीक लाड, पार्थ भालेराव, सुमंत शिंदे हे त्रिकुटच पुन्हा झळकणार असल्याने आता हे नक्की काय धमालगिरी करणार आहेत, हे पाहणे औत्सुक्याचे ठरणार आहे. अ सुप्रीम मोशन पिक्चर्स प्रा. लि प्रोडक्शन अंतर्गत एव्हरेस्ट एंटरटेनमेंटच्या सहयोगाने अवधूत गुप्ते प्रस्तुत हा सिनेमा आहे. 

टीझर पाहा : 

संबंधित बातम्या