Mahad Assembly Election results : ठाकरेंच्या पहिल्या उमेदवाराकडून पराभव मान्य, भरतशेठ गोगावलेंचा विजय जवळपास निश्चित
Mahad Assembly Election results : महाड विधानसभा मतदारसंघात ठाकरेंच्या शिवसेनेच्या स्नेहल जगताप विरुद्ध शिंदेंच्या शिवसेनेचे भरत गोगावले यांना यांच्याविरुद्ध सामना रंगला होता.
Mahad Assembly Election results : महाराष्ट्र विधानसभेच्या निकाल हाती येऊ लागले आहेत. महायुती विजयाचा बाजूने मुसंडी मारताना दिसत आहेत. दरम्यान, महाड विधानसभा मतदारसंघात ठाकरेंच्या शिवसेनेच्या स्नेहल जगताप विरुद्ध शिंदेंच्या शिवसेनेचे भरत गोगावले यांना यांच्याविरुद्ध सामना रंगला होता. दरम्यान, मतमोजणीत 10 फेरीनंतर स्नेहल जगताप यांनी पराभव मान्य केल्याचे चित्र आहे.
महाड मतदार संघात स्नेहल जगताप यांनी आमदार भरत गोगावले यांचे 10 व्या फेरी नंतर अभिनंदन केले. भरत गोगावले आघाडीवर असल्याच समजताच स्नेहल जगताप यांनी त्यांना मतदान केंद्रावर भेटून शुभेच्छा दिल्या आहेत. त्यामुळे भरत गोगावले यांचा विजय निश्चित झाल्याचे चित्र आहे.
महाड विधानसभा निवडणुकीत आत्तापर्यंत 14 फेऱ्यांची मत मोजणी पार पडली आहे. यामध्ये भरत गोगावले यांना 59 हजार 409 मत मिळाली आहेत. तर स्नेहल जगताप यांनी 44 हजार 871 मत मिळवली आहेत. भरत गोगावले यांनी जवळपास 15135 मतांनी आघाडीवर आहेत. त्यामुळे स्नेहल जगताप यांनी पराभव मान्य करत भरत गोगावले यांना शुभेच्छा दिल्या आहेत.
अनेक मतदारसंघात 4 ते 5 फेऱ्यांची मतमोजणी पार पडली असून अनेक ठिकाणी महायुतीचे उमेदवार विजयाच्या दिशेने घौडदोड करताना दिसत आहेत. यामध्ये महाराष्ट्रातील जनतेने महायुतीला महायुतीला खटाखट मतं दिल्याचे चित्र आहे. 288 पैकी 228 जागांवर महायुतीने मुसंडी मारली आहे. महाविकास आघाडीला केवळ 52 जागांवर आघाडी मिळवता आली आहे. त्यामुळे लोकसभेत यश मिळाल्यानंतर महाविकास आघाडीला विधानसभा निवडणुकीत मोठा फटका बसला आहे.
4 ते 5 फेऱ्यांची मतमोजणी पार पडल्यानंतर भारतीय जनता पार्टी 128 जागांवर आघाडीवर आहे. अजित पवारांच्या राष्ट्रवादीने 35 जागांवर मुसंडी मारली आहे. तर शिंदेंच्या शिवसेनेने 55 जागांवर आघाडीवर घेतली आहे. दुसरीकडे महाविकास आघाडीला केवळ 57 जागांवर आघाडीवर मत मिळाली आहेत.
शरद पवारांची राष्ट्रवादी 18 जागा, ठाकरेंची शिवसेना 17 जागा तर काँग्रेस पक्ष 22 जागांवर आघाडी मिळवताना दिसत आहे. त्यामुळे महाविकास आघाडीला मोठा फटका बसण्याची शक्यता आहे. दुसरीकडे महायुतीला खटाखट मतं मिळाली असून महाविकास आघाडीला मोठा फटका बसला आहे. काँग्रेसचे दिग्गज नेते विधानसभा निवडणुकीत पराभवाच्या छायेत दिसत आहेत.
इतर महत्त्वाच्या बातम्या
महत्त्वाच्या बातम्या
