![ABP Premium](https://cdn.abplive.com/imagebank/Premium-ad-Icon.png)
शेअर बाजारातून भरघोस नफा मिळवून देण्याचं आमिष, चार जणांची कोट्यवधींची फसवणूक
Share Market Scam : शेअर बाजारातून भरघोस नफा मिळवून देण्याचं आमिष दाखवून चार जणांची 3.2 कोटी रुपयांची फसवणूक करण्यात आली आहे.
![शेअर बाजारातून भरघोस नफा मिळवून देण्याचं आमिष, चार जणांची कोट्यवधींची फसवणूक cyber crime Share Market trading Scam 32 crore rupees scam two men arrested in gondia district maharashtra police marathi news शेअर बाजारातून भरघोस नफा मिळवून देण्याचं आमिष, चार जणांची कोट्यवधींची फसवणूक](https://feeds.abplive.com/onecms/images/uploaded-images/2024/06/22/76f2e3923a18031066b4671f152556021719066655406322_original.png?impolicy=abp_cdn&imwidth=1200&height=675)
Maharashtra Crime News : शेअर बाजारात (Share Market) गुंतवणूक करुन (Investment Scam) भरघोस परतावा मिळवून देण्याचं आमिष दाखवून कोट्यवधी रुपयांची फसवणूक केल्याची खळबळजनक घटना समोर आली आहे. महाराष्ट्रातील गोंदिया जिल्ह्यात ही घटना घडली आहे. गुंतवणुकीवर चांगला परतावा देण्याचे आमिष दाखवून चार जणांची 3.2 कोटी रुपयांची फसवणूक करण्यात आली. याप्रकरणी पोलिसांकडून दोन आरोपींना अटक करण्यात आली आहे. या आरोपींची नावे किसन पांडे ( वय 21 वर्ष) आणि कन्हैयालाल पांडे (वय 24 वर्ष) अशी आहेत.
शेअर बाजारातून भरघोस नफा मिळवून देण्याचं आमिष
पोलिसांनी या आरोपींविरोधी फसवणूकीचा गुन्हा दाखल करत त्यांना अटक केली आहे. आतापर्यंत चार जणांची फसवणूक झाल्याचं समोर आलं आहे. आरोपींनी आणखी अनेकांची फसवणूक केल्याची शक्यता पोलिसांकडून वर्तवण्यात येत आहे. आरोपींविरोधात फसवणुकीच्या आणखी तक्रारी समोर येण्याची शक्यता पोलिसांनी वर्तवली आहे. पोलिसांनी दिलेल्या माहितीनुसार , आरोपींनी गुंतवणुकीत उत्तम परतावा मिळवून देण्यातं आमिष दाखवून जून 2021 ते डिसेंबर 2023 यादरम्यानच्या काळात चार जणांची फसवणूक केल्याची माहिती उघड झाली आहे.
चार जणांची कोट्यवधींची फसवणूक
आरोपींनी गुंतवणूकदारांना चौघांना दर महिन्याला सात ते आठ टक्के चांगला परतावा देण्याचे आमिष दाखवले होते. अशाप्रकारे आरोपींनी 3.19 कोटी रुपये उकळले मात्र, पीडितांना कोणताही परतावा मिळवून दिला नाही. आपली फसवणूक झाल्याची बाब लक्षात येताच पीडितांनी आरोपींविरुद्ध गुन्हा दाखल केला आणि तपास सुरु केला. पोलिसांनी दोन आरोपींविरुद्ध गुन्हा दाखल करून त्यांना अटक केली आहे.
एका व्यक्तीचे 94 लाख रुपयांचे नुकसान
महाराष्ट्रातील ठाणे जिल्ह्यातील एका 48 वर्षीय व्यक्तीला शेअर ट्रेडिंग घोटाळ्याचा बळी पडून सुमारे 94 लाख रुपयांचे नुकसान झाले. कल्याण परिसरात राहणाऱ्या एका व्यक्तीची 9 एप्रिल ते 21 मे दरम्यान फसवणूक झाली होती. याप्रकरणी पीडितेच्या तक्रारीवरून पोलिसांनी गुन्हा दाखल केला आहे.
पीडितेने आपल्या तक्रारीत म्हटले आहे की, त्याला 'द व्हॅल्यू टीम ए13' नावाचा एक व्हॉट्सॲप ग्रुप सापडला, ज्यामध्ये अनेक सदस्य स्वत:ला तज्ञ म्हणवत होते. ते लोक शेअर बाजारातून पैसे कमवण्याच्या टिप्स देत होते. दरम्यान, त्यांनी लोकांना ॲप्लिकेशन वापरून गुंतवणूक करण्यास प्रेरित केले.
त्याने सुचवलेल्या अर्जाद्वारे पीडितेने एकूण 93.6 लाख रुपयांची गुंतवणूक केली, परंतु त्या बदल्यात त्याला एकही पैसा मिळाला नाही. आपली फसवणूक झाल्याचे लक्षात येताच त्यांनी पोलिसांत तक्रार दाखल केली. पोलिस पुरावे गोळा करून आरोपींचा शोध घेत आहेत.
महत्त्वाच्या इतर बातम्या :
जबरदस्तीने प्रायव्हेट पार्ट कापून लिंगबदल शस्त्रक्रिया, लग्न करण्यासाठी मुलगी बनवलं, देशातील हादरवणारी घटना!
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)
![उमेश अलोणे, एबीपी माझा](https://feeds.abplive.com/onecms/images/author/edf3be0fff591493dbcd992552913783.jpeg?impolicy=abp_cdn&imwidth=70)