बाबा सिद्दीकींच्या मारेकऱ्याची लग्नाच्या वरातीत गोळीबाराची प्रॅक्टिस; बिश्नोई टोळीने शिवकुमारमधला शार्पशुटर कसा हेरला?
Baba Siddique Murder Case: बाबा सिद्दीकी हत्या प्रकरणात आणखी एक महत्वाची माहिती समोर आली आहे.
Baba Siddique Murder Case मुंबई: महाराष्ट्राचे माजी राज्यमंत्री आणि तीन वेळा आमदार राहिलेले बाबा सिद्दीकी (Baba Siddique) यांची त्यांच्याच मतदारसंघात गोळ्या झाडून हत्या करण्यात आली आहे. 12 ऑक्टोबरला सदर घटना घडली. या घटनेनंतर अनेक धक्कादायक माहिती समोर येत आहे.
बाबा सिद्दिकी (Baba Siddique) यांच्या हत्येमागे बिश्नोई गँग (Lawrence Bishnoi Gang) असल्याचा दावा एका फेसबुक पोस्टमधून करण्यात आला आहे. याची सखोल चौकशी सध्या सुरू आहे. गोळ्या घालणाऱ्या दोघांना अटक करण्यात आली असून त्यांची रवानगी पोलीस कोठडीत करण्यात आली आहे. या प्रकरणात आणखी एक महत्वाची माहिती समोर आली आहे.
उत्तर प्रदेशात वरातीत गोळीबार करण्याची प्रथा आहे. बाबा सिद्दीकी हत्या प्रकरणात फरार असलेला आरोपी शिवकुमार गौतमने (Shivkumar Gautam) काही वेळेस गावातील वरातींमध्ये हवेत गोळीबार केला होता आणि हेच पाहून शिवकुमार गौतमची निवड करण्यात आली होती. तसेच शिवकुमार गौतमनेच बाबा सिद्दीकी यांच्यावर गोळ्या झाडल्याचे तपासात दिसून येत आहे. या प्रकरणातील आरोपी स्नॅपचॅट, इन्स्टाद्वारे संवाद साधत असल्याचे चौकशीत समोर आले. चॅटिंगसाठी स्नॅपचॅट, तर इन्स्टाद्वारे व्हिडीओ कॉल करत असल्याचे समोर आले आहे.
शुटर्सकडून बाईकवरून मुंबईत रेकी-
कुर्लामधील भाड्याचे घर घेताना शिवकुमार गौतमने त्याचे खरे कागदपत्रे दिले होते. घर मालकाची गुन्हे शाखेच्या कक्ष 9 अंतर्गत चौकशी सुरू आहे. हरिशकुमारने पुण्यात 60 हजार रुपयात बाईक खरेदी केली. याच बाईकने पुण्यातून मुंबईत आला. रेकीसाठी ही बाईक शिवकुमारकडे दिली. पुढे शुटर्सकडून याच बाईकवरून मुंबईत रेकी करण्यात आल्याचे तपासात स्पष्ट झाले आहे. दरम्यान, बाबा सिद्दिकी हल्ल्याप्रकरणी हल्लेखोरांच्या रूममध्ये राहणाऱ्यांना तरुणांना मुंबई पोलिसांनी ताब्यात घेतलं. पुण्यातील वारजे परिसरात असलेल्या रूममधून गुल्लू आणि मोनू या 2 जणांना ताब्यात घेतलं आहे.
लॉरेन्स बिश्नोई टोळीने हत्येची जबाबदारी स्वीकारली-
लॉरेन्स बिश्नोई टोळीने या हल्ल्याची जबाबदारी स्वीकारली आहे. याप्रकरणी आतापर्यंत दोन जणांना पोलिसांनी ताब्यात घेतले आहे. तर तिसऱ्या आरोपीची ओळख पटल्याची माहिती समोर आली आहे. झिशान सिद्दिकींच्या कार्यालयासमोर बाबा सिद्दिकी यांच्यावर तीन व्यक्तींनी गोळीबार केला. या गोळीबाराची जबाबदारी अनमोल बिश्नोईने घेतली आहे. दाऊदचे निकटवर्तीय असल्याने हत्या केल्याचा उल्लेख कथीच पोस्टमध्ये केला आहे.
संबंधित बातमी:
महत्त्वाच्या बातम्या
