Nagpur SBL Company Blast : नागपूर भीषण स्फोट प्रकरणी मोठी अपडेट; संचालकासह 21 वरिष्ठ अधिकाऱ्यांवर सदोष मनुष्यवधाचा गुन्हा दाखल
Nagpur SBL Company Blast : सबीएल एनर्जी लिमिटेडमधील स्फोट प्रकरणात कंपनीच्या 21 वरिष्ठ अधिकाऱ्यांवर भारतीय न्याय संहितेच्या (BNS) अंतर्गत सदोष मनुष्यवधाचा अंतर्गत गुन्हा दाखल करण्यात आला आहे.
Nagpur SBL Company Blast : नागपूर जिल्ह्यातील राऊळगाव येथे काल (1 मार्च 2026) सकाळच्या सुमारास एसबीएल एनर्जी लिमिटेड कंपनीमध्ये मोठा स्फोट झाला होता. बारुद आणि त्यापासून डेटोनेटरसह इतर स्फोटक बनवणाऱ्या कंपनीत हा मोठा स्फोट (SBL Blast Update) झालाय. दरम्यान या भीषण स्फोटात आता आणखी एका जखमीचा उपचारादरम्यान मृत्यू झाला आहे. त्यामुळे या घटनेत मृतांची संख्या 19 झाली आहे. अशातच या दुर्दैवी घटने संदर्भात एक मोठी बातमी समोर आली आहे. एसबीएल एनर्जी लिमिटेडमधील स्फोट प्रकरणात (Nagpur SBL Company Blast News) कंपनीच्या 21 वरिष्ठ अधिकाऱ्यांवर भारतीय न्याय संहितेच्या (BNS) Section 105) अंतर्गत सदोष मनुष्यवधाचा (Culpable Homicide Not Amounting to Murder) अंतर्गत गुन्हा दाखल करण्यात आला आहे. कळमेश्वर पोलीस स्टेशनमध्ये हा गुन्हा दाखल करण्यात आला आहे. एसबीएल एनर्जी लिमिटेडचे मालक संजय चौधरी यांच्यासह इतर संचालकांसह, प्लांट हेड आणि मॅनेजरवरही या प्रकरणी गुन्हा दाखल करण्यात आला आहे.
Nagpur SBL Company Blast : आतापर्यंत 9 जणांना अटक, पोलिसांकडून इतरांचा शोध सुरु
नागपूरचे पालकमंत्री आणि राज्याचे महसूल मंत्री चंद्रशेखर बावनकुळे तसेच कृषी राज्यमंत्री आशिष जयस्वाल यांनी राऊळगाव येथील एसबीएल एनर्जी कंपनीत झालेल्या स्फोटानंतर घटनास्थळाला भेट देऊन सर्व माहिती जाणून घेतली. यावेळी नागपूरचे पोलीस अधीक्षक हर्ष पोद्दार आणि इतर वरिष्ठ पोलीस अधिकारी आणि प्रशासनिक अधिकारी उपस्थित होते. तर या घटनेची सखोल चौकशी करण्याचे आदेश राज्याचे मुख्यमंत्री देवेंद्र फडणवीस यांनी दिले होते. त्या पार्श्वभूमीवर तपासाअंती एसबीएल एनर्जीमध्ये झालेल्या स्फोट प्रकरणी पोलिसांनी सदोष मनुष्यवधाचा गुन्हा दाखल केला आहे. एसबीएल एनर्जी कंपनी चे संचालक, प्रोजेक्ट मॅनेजर, प्लांट मॅनेजर, सुपरवायझर, सेफ्टी ऑफिसर सह 21 वरिष्ठ अधिकाऱ्यांविरोधात हा सदोष मनुष्यवधाचा गुन्हा दाखल करण्यात आला आहे. विशेष म्हणजे काल (1 मार्च) रात्रभरात पोलिसांनी याप्रकरणी ठोस कारवाई करत 9 जणांना अटकही केली असून इतरांचा शोध घेतला जात आहे.
SBL Company Blast : मृतांच्या वारसांना केंद्र सरकारकडून दोन तर राज्य सरकारकडून पाच लाखांची मदत
एसबीएल एनर्जी लिमिटेड या कंपनीच्या स्फोटातील मृतांच्या वारसांना केंद्र सरकारकडून दोन, तर राज्य सरकारकडून पाच लाखांची मदत जाहीर करण्यात आली आहे. पंतप्रधान राष्ट्रीय मदत निधीतून मृतांच्या वारसांना दोन लाख रुपये मदत देण्याची घोषणा पंतप्रधान नरेंद्र मोदी यांनी केली आहे. तर राज्य सरकारकडून पाच लाखांची मदत देणार असल्याचे मुख्यमंत्री देवेंद्र फडणवीस यांनी जाहीर केले आहे. पंतप्रधान राष्ट्रीय मदत निधीतून जखमींना 50 हजारांची मदत करण्यात येईल. तर घटनेची सखोल चौकशी करण्याचे आदेश देण्यात आल्याचे मुख्यमंत्री देवेंद्र फडणवीस यांनी स्पष्ट केले आहे.
SBL Company Blast Case : एसबीएल एनर्जी कंपनीतील भीषण स्फोट, आत्तापर्यंत नेमकं काय घडलं?
नागपूर जिल्ह्यातील राऊळगाव येथे काल (1 मार्च 2026) सकाळच्या सुमारास एसबीएल एनर्जी लिमिटेड कंपनीमध्ये मोठा स्फोट झाला होता. बारुद आणि त्यापासून डेटोनेटरसह इतर स्फोटक बनवणाऱ्या कंपनीत हा मोठा स्फोट झाला. स्फोट झाल्यानंतर आगीनं मोठा पेट घेतला. त्यामुळे बचाव कार्यात मोठे अडथळे निर्माण झाले. दरम्यान या भीषण अपघातात आतापर्यंत 19 जणांचा मृत्यू झाला आहे. तर या प्रकरणी कंपनीच्या 21 वरिष्ठ अधिकाऱ्यांवर भारतीय न्याय संहितेच्या (BNS) Section 105) अंतर्गत सदोष मनुष्यवधाचा अंतर्गत गुन्हा दाखल करण्यात आला आहे. तर दुसरीकडे, या संपूर्ण प्रकरणाच्या सखोल चौकशीचे आदेश मुख्यमंत्री देवेंद्र फडणवीस यांनी दिले आहेत.
इतर महत्वाच्या बातम्या
महत्त्वाच्या बातम्या
