UP Ballia Crime: विवाहित प्रेयसीचे अश्लील फोटो, ब्लॅकमेलिंग अन् प्रियकराचा हृदयद्रावक अंत; ओळख मिटवण्यासाठी चेहऱ्यावर टॉयलेट क्लीनर ओतलं, पण सत्य समोर आलंच!
UP Ballia Crime News: उत्तर प्रदेशातील बलिया पोलिसांनी एका अंध हत्याकांडाच्या गुन्ह्याचा उलगडा केला आहे. पोलिसांनी एका महिलेसह तीन संशयितांना अटक केली आहे.
UP Ballia Crime News: उत्तर प्रदेशातील बलिया पोलिसांनी एका अंध हत्याकांडाच्या गुन्ह्याचा उलगडा केला आहे. पोलिसांनी एका महिलेसह तीन संशयितांना अटक केली आहे. तर यातील एका महिलेसह इतर दोघे फरार आहेत असून पोलीस त्यांचा शोध घेण्यासाठी छापे टाकत आहेत. पोलिसांच्या माहितीनुसार, 10 फेब्रुवारी 2026 रोजी सकाळी 10 वाजताच्या सुमारास रसरा पोलीस स्टेशन परिसरातील चिलखर-नठ्ठोपूर लोहटा रस्त्यालगत असलेल्या लोहटा गावात एका झुडुपात एक मृतदेह आढळून आला. घटनेची माहिती मिळताच स्वाट/सर्व्हेलन्स आणि रसरा पोलीस स्टेशनचे संयुक्त पोलीस पथक घटनास्थळी दाखल होऊन त्यांनी मृतदेहाची ओळख पटवण्यात आणि घटनेचा उलगडा करण्यात गुंतले होते. दरम्यान, लोहटा गावात एका अज्ञात तरुणाचा मृतदेह सापडल्याने परिसरात एकच खळबळ उडाली होती. त्या तरुणाचा चेहरा अॅसिडने इतका जळाला होता की त्याची ओळख पटवणे कठीण झाले होते. अशातच, आता या प्रकरणाच्या तपासात पोलिसांनी धक्कादायक खुलासा केलाय.
UP ballia Crime News: अश्लील व्हिडिओ दाखवून ब्लॅकमेल केल्याचा आरोप
उत्तर प्रदेशातील बलिया जिल्ह्यात प्रेम, अंधविश्वास आणि ब्लॅकमेलिंगची एक भयानक कहाणी समोर आली आहे. 10 फेब्रुवारी रोजी रासरा पोलिस स्टेशन हद्दीतील लोहटा गावात एका अज्ञात तरुणाचा मृतदेह सापडल्याने परिसरात खळबळ उडाली होती. अशातच तपासाअंती पोलिसांनी मृतकाची ओळख पटवली असून मृतक हा पंकज गुप्ता असल्याचे उघड झाले आहे. जो आजमगढचा रहिवासी होता. तसेच त्याचे जवळच्या गावातील एका तरुणीशी प्रेमसंबंधात होते. लग्न झाल्यानंतर महिलेला हे नाते संपवायचे होते, परंतु पंकजने तिला अश्लील व्हिडिओ दाखवून ब्लॅकमेल केल्याचा आरोप आहे. मानसिक दबाव आणि बदनामीच्या भीतीने त्रस्त झालेल्या महिलेने तिच्या भावाला आणि मेव्हण्याला ही गोष्ट सांगितली.
दरम्यान, संतप्त भाऊ आणि मेव्हण्याने पंकजच्या हत्येचा कट रचला. त्यासाठी 5 फेब्रुवारी रोजी एका लग्नात हत्येचा कट रचण्यात आला. त्यानंतर कुटुंबाने एकत्र येऊन कट रचला आणि 7 फेब्रुवारी रोजी पंकजचा बोलावून गळा दाबून खून केला. या प्रकरणी पोलिसांनी त्याच्या प्रेयसीसह तीन आरोपींना अटक केली आहे, तर इतर दोघांचा शोध सध्या सुरू आहे.
UP Police : पोलिसांनी मृताचा मोबाईल फोन केला.जप्त
पोलिस अधीक्षकांनी सांगितले की, या घटनेत सहभागी असलेले विजय पाल, मनीष (विजय पालचा मेहुणा) आणि विजय पालची पत्नी या तिन्ही जणांना अटक करण्यात आली आहे. किंबहुना, या घटनेत सहभागी असलेले अरुण सोनी आणि त्यांची पत्नी यांना अद्याप अटक करण्यात आलेली नाही. आरोपींच्या माहितीवरून मृताचा मोबाईल फोन आणि घटनेत वापरलेली बाईक जप्त करण्यात आल्याचे पोलिसांनी सांगितले.
UP Crime : ओळख लपवण्यासाठी शरीरावर ओतण्यात आले टॉयलेट क्लीनर
पोलिसांनी असेही म्हटले आहे की, आरोपीने ओळख लपवण्यासाठी शरीरावर टॉयलेट क्लीनर ओतला. पीडितेला चाकूने कापण्यात आले आणि दोरीने गळा दाबून खून करण्यात आला. तिन्ही आरोपींना न्यायालयात हजर करण्यात आले असून त्यांना तुरुंगात पाठवण्यात आले आहे. तर इतर आरोपींचा शोध सुरू आहे.
इतर महत्वाच्या बातम्या
महत्त्वाच्या बातम्या
