गुगलमध्ये 12000 कर्मचाऱ्यांची नोकरकपात, वर्षभरानंतर प्रथमच बोलले सुंदर पिचाई...

जगातील आघाडीची टेक कंपनी गुगलने (Google) वर्षभरापूर्वी एकाच वेळी सुमारे 12,000 कर्मचाऱ्यांना काढून टाकले होते. याबाबत प्रथमच गुगलचे सीईओ सुंदर पिचाई (Sundar Pichai) बोलले.

Sundar Pichai on Layoffs news

Sundar Pichai on Layoffs: जगातील आघाडीची टेक कंपनी गुगलने (Google) वर्षभरापूर्वी एकाच वेळी सुमारे 12,000 कर्मचाऱ्यांना काढून टाकले होते. ही नोकरकपात कंपनीच्या इतिहासातील सर्वात वाईट दिवस म्हणून लक्षात ठेवली जाते. या ऐतिहासिक नोकर कपातीसाठी ग्लोबल टेक कंपनी गुगलवर बरीच टीका झाली होती. आता वर्षभरानंतर गुगलचे सीईओ सुंदर पिचाई (Sundar Pichai) यांनी या निर्णयावर खेद व्यक्त केला आहे. अशा पद्धतीने कर्मचाऱ्यांना नोकरकपातीची माहिती देणे योग्य नसल्याचे ते म्हणाले.

मंदीच्या भीतीने कर्मचाऱ्यांना कामावरून काढून टाकण्यात आलं

2023 ची सुरुवात गुगल कर्मचाऱ्यांसाठी खूपच वाईट होती. सॉफ्टवेअर क्षेत्रातील दिग्गज गुगलची मूळ कंपनी अल्फाबेटने 12 हजार लोकांना कामावरून काढून टाकण्याची घोषणा केली होती. आयटी क्षेत्रातील मंदीच्या भीतीने हा निर्णय घ्यावा लागल्याचा दावा कंपनीने केला आहे.

कर्मचाऱ्यांच्या मनोबलावर विपरीत परिणाम 

दरम्यान, नोकरकपातीच्या निर्णयासंदर्भात एका बैठकीत त्यांना विचारले असता पिचाई (Sundar Pichai) म्हणाले की, सुमारे एक वर्षापूर्वी आम्ही आमचे कर्मचारी कमी करण्याचा निर्णय घेतला होता. कर्मचाऱ्यांच्या मनोबलावर होणारा परिणाम लक्षात घेऊन आम्ही हा निर्णय घेतला होता. पीडित कर्मचाऱ्यांना माहिती देण्याचा आम्ही योग्य प्रयत्न केला नाही. त्यामुळं कर्मचाऱ्यांच्या मनोबलावर विपरीत परिणाम झाल्याचे .

25 वर्षात असं कधीच घडलं नाही 

सुंदर पिचाई म्हणाले की, नोकरबंदी हा कोणत्याही कंपनीसाठी खूप कठीण निर्णय असतो. 25 वर्षांत गुगलवर अशी वेळ कधीच आली नव्हती. मात्र, आम्ही तसे केले नसते तर भविष्यात परिस्थिती आणखी वाईट होऊ शकली असती असे पिचाई म्हणाले. कंपनी मोठ्या संकटात सापडली असती. जगात वेगाने होत असलेल्या बदलांना सामोरे जाताना आपल्याला आव्हानांचा सामना करावा लागणार आहे. आम्ही नवीन तंत्रज्ञानात गुंतवणूक करू शकत नाही.

टाळेबंदी योग्यरित्या हाताळता आली नाही

सुंदर पिचाई (Sundar Pichai) यांना टाळेबंदी कशी हाताळायची हे विचारण्यात आले, तेव्हा त्यांनी कबूल केले की गुगलने ही प्रक्रिया चांगल्या प्रकारे हाताळली नाही. या निर्णयाची अंमलबजावणी अधिक चांगल्या पद्धतीने करायला हवी होती. आम्ही पीडित कर्मचाऱ्यांना त्याच वेळी कळवायला नको होते. टाळेबंदीची अंमलबजावणीही आम्ही वेगळ्या पद्धतीने करु शकलो असतो असे पिचाई म्हणाले.

महत्त्वाच्या बातम्या: