Aadhaar Card : पासपोर्टसारखं होणार आधारसाठीचे व्हेरिफिकेशन, सरकार नियम बदलणार; जाणून घ्या सविस्तर

Aadhaar Card : आधार कार्ड बनवणाऱ्यांना पासपोर्टप्रमाणेच पडताळणी प्रक्रियेतून जावे लागणार आहेत. सरकार नियमात बदल करणार आहे.

Aadhaar Card : पासपोर्टसारखं होणार आधारसाठीचे व्हेरिफिकेशन, सरकार नियम बदलणार; जाणून घ्या सविस्तर

Aadhaar Card : जर तुम्ही 18 वर्षांचे आहात आणि पहिल्यांदा आधार कार्ड (Aadhaar Card) बनवण्याचा विचार करत असाल तर तुम्हाला आता दीर्घ आणि कठीण प्रक्रियेतून जावे लागेल. आधार कार्ड बनवणाऱ्यांना पासपोर्टप्रमाणेच पडताळणी प्रक्रियेतून जावे लागणार आहेत. मिळालेल्या माहितीनुसार, सरकार आधार कार्डच्या नियमात बदल करणार आहे. यानुसार, अशा लोकांची पडताळणी UIDAI कडून नाही तर राज्य सरकार करणार आहे.

आधारबाबतच्या नियमात होणार बदल 

वृत्तसंस्थांनी दिलेल्या माहितीनुसार, एका अधिकाऱ्याने सांगितले की, ही प्रक्रिया पूर्ण करण्यासाठी राज्य सरकारकडून अधिकाऱ्यांची नियुक्ती केली जाईल. नोडल अधिकारी आणि अतिरिक्त जिल्हा दंडाधिकारी यांची राज्य सरकारकडून जिल्हा आणि उपविभागीय स्तरावर नियुक्ती केली जाईल. ज्यांना 18 वर्षे वयानंतर प्रथमच त्यांचे आधार कार्ड बनवायचे आहे, त्यांना आता नामनिर्देशित केंद्रांवर जावे लागेल. अशी केंद्रे जिल्ह्यातील मुख्य पोस्ट ऑफिस आणि UIDAI ने ठरवलेली आधार केंद्रे असतील. अशा लोकांच्या सर्व आधार अर्जांना सर्व्हिस पोर्टलद्वारे व्हेरिफिकेशन करण्याआधी डेटा क्वालिटी प्रोसेसने जावे लागेल. 

आधार कार्ड कधी मिळेल?

उपविभागीय दंडाधिकारी सेवा पोर्टलद्वारे प्राप्त झालेली पडताळणी तपासतील. सर्व मंजुऱ्या मिळाल्यापासून 180 दिवसांच्या आत दिल्या जातील. अलीकडे जारी करण्यात आलेली मार्गदर्शक तत्त्वे 18 वर्षे आणि त्याहून अधिक वयाच्या लोकांसाठी लागू करण्यात आल्याची माहिती एका अधिकाऱ्याने दिली. एकदा आधार कार्ड मिळाल्यानंतर अपडेट करण्यासाठी नेहमीची प्रक्रिया करावी लागणार आहे.

आधार कार्ड मोफत अपडेट करण्याची मुदत वाढली

आधार कार्ड हे अतिशय महत्त्वाचं कागदपत्र असून ते अपडेट असणं आवश्यक आहे. आधार कार्ड (ADHAR Card) मोफत अपडेट करण्यासाठी सरकारने 14 डिसेंबर ही मुदत दिली होती. मात्र आता मोफत आधार कार्ड अपडेट करण्याची मुदत सरकारने तीन महिन्यांनी वाढवली आहे. आता 14 मार्च 2024 पर्यंत आधार कार्ड मोफत अपडेट करता येणार आहे.  

आधार केंद्रावरील लांब रांगेपासून वाचण्यासाठी तुम्ही UIDAI च्या अधिकृत वेबसाइटवर आधार कार्ड अपडेट करण्यासाठी ऑनलाइन अपॉइंटमेंट बुक करू शकता, ऑनलाइन आणि ऑफलाइन या दोन्ही पद्धतीने तुम्हाला आधार अपडेट करता येणार आहे शिवाय आधार केंद्र किंवा CSC केंद्रावर जाऊनही तुम्ही माहिती अपडेट करु शकता. 

इतर महत्त्वाच्या बातम्या :