Shani Dev : मारुतीरायाची पूजा करणाऱ्यांना शनि का त्रास देत नाही? जाणून घ्या खरं कारण
Shani Dev : धार्मिक मान्यतेनुसार भगवान हनुमानजींची पूजा करणाऱ्यांना शनिदेव कधीही त्रास देत नाहीत. यामागचं कारण नेमकं काय आहे? पौराणिक कथा जाणून घ्या
Shani Dev : हिंदू धर्मात आठवड्यातील प्रत्येक दिवस हा कोणत्या ना कोणत्या देवतेच्या पूजेला समर्पित असतो. त्याचप्रमाणे शनिवार आणि मंगळवारचा दिवस हा मारुतीरायाच्या पूजेसाठी शुभ मानला जातो, म्हणजेच हा दिवस हनुमानजींच्या (Hanuman) उपासनेसाठी आणि व्रतासाठी समर्पित आहे.
मारुतीसोबत शनिदेवाची पूजा करणं शुभ
धार्मिक मान्यतेनुसार, शनिवारी आणि मंगळवारी तुम्ही मारुतीरायासोबत शनिदेवाचीही पूजा करू शकता. मारुतीची, म्हणजेच हनुमानाची पूजा करणार्‍या भक्तांवर शनिदेवाची (Shani Dev) कृपा सदैव राहते, असं म्हणतात.
मारुतीरायाच्या पूजेने शनिदेव का प्रसन्न होतात?
हनुमान आणि शनिदेवाचा काय संबंध आहे? हनुमानजींच्या पूजेने शनिदेव का प्रसन्न होतात? हा प्रश्न नेहमीच अनेकांच्या मनात येतो. याच्याशी संबंधित एक पौराणिक कथा आहे, ज्यामध्ये त्याचं कारण सांगितलं आहे, त्याबद्दल जाणून घेऊया.
नेमकं कारण काय?
हनुमानजी आणि शनिदेव यांची पौराणिक कथा ही त्रेतायुगातील रामायण काळातील आहे. जेव्हा रावणाने देवी सीतेचं अपहरण करून तिला लंकेत नेलं, तेव्हा रामाच्या आज्ञेवरून हनुमानजी देवी सीतेच्या शोधात लंकेत पोहोचले. हनुमानजी जेव्हा लंकेत पोहोचले, तेव्हा त्यांनी पाहिलं की, रावणाने शनिदेवाला आधीच कैद करून ठेवलं होतं. त्यावेळी हनुमानजी देवी सीतेला सोबत घेऊन जाऊ शकले नाही. कारण देवी सीता म्हणाली की, जेव्हा भगवान श्रीराम तिला न्यायला येतील तेव्हाच ती त्यांच्यासोबत जाईल. त्यावेळी हनुमानजींनी शनिदेवाची मदत करून त्यांना रावणाच्या तुरुंगातून बाहेर काढलं. जेव्हा हनुमानजींनी शनिदेवाची मदत केली, तेव्हा ते खूप आनंदी झाले आणि त्यांनी हनुमानजींना त्या बदल्यात काही वरदान मागायला सांगितले.
हनुमानाची पूजा करणाऱ्यावर नसते शनीची वक्रदृष्टी
शनिदेवाने हनुमानजींना वरदान मागण्यास सांगितलं तेव्हा हनुमानजी म्हणाले - जो भक्त माझी भक्तिभावाने पूजा करतो, त्याला तू कधीही शिक्षा करणार नाहीस. त्यांच्या वचनानुसार शनिदेवाने हनुमानजींना होकार दिला. यानंतर शनिदेवाच्या पूजेसोबतच शनिवारी हनुमानजींची पूजा होऊ लागली.
शनिदेवाची कृपा मिळवायची असेल तर...
त्यामुळे जर तुम्हालाही शनिदेवाची कृपा मिळवायची असेल, तसेच शनीच्या प्रकोपापासून वाचायचं असेल तर तुम्ही मंगळवारी किंवा शनिवारी हनुमानजी आणि शनिदेवाची पूजा करू शकता. यासोबतच या दोन्ही शनिदेवाशी संबंधित उपायही करू शकता. याने तुम्हाला शनिदेव आणि हनुमानजी या दोघांचाही आशीर्वाद मिळेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा:
महत्त्वाच्या बातम्या
ट्रेंडिंग न्यूज
