Astrology Panchang 31 October 2024 : आज नरक चतुर्दशीच्या दिवशी जुळून आला लक्ष्मी योग; मीनसह 5 राशींवर असणार देवी लक्ष्मीची कृपा

Astrology Panchang 31 October 2024 : वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींवर देखील होणार आहे. या राशींच्या लोकांवर देवी लक्ष्मीची विशेष कृपा असणार आहे.

Astrology Panchang 31 October 2024

Source : ABP Web Team

Astrology Panchang 31 October 2024 : आज 31 ऑक्टोबरचा दिवस फार खास असणार आहे. आजच्या दिवशी दिवाळी (Diwali 2024) आणि नरक चतुर्दशी असल्या कारणाने आजच्या दिवसाचं महत्त्व फार वाढलं आहे. तसेच, आज लक्ष्मी योग (Yog), कुलदीपक योग आणि चित्रा नक्षत्र असे शुभ संयोग जुळून आले आहेत. त्यामुळे आजचा दिवस अधिक खास असणार आहे. 

वैदिक ज्योतिष शास्त्रानुसार, आज जुळून आलेल्या शुभ योगाचा परिणाम 5 राशींवर देखील होणार आहे. या राशींच्या लोकांवर देवी लक्ष्मीची विशेष कृपा असणार आहे तसेच, आजच्या दिवशी तुमच्या आर्थिक समस्या दूर होतील. 

मिथुन रास (Gemini Horoscope)

मिथुन राशीच्या लोकांसाठी आजचा दिवस फार लाभदायक असणार आहे. आज तुमच्या भौतिक सुख-समृद्धीत चांगली वाढ झालेली दिसेल. तसेच, तुमच्या कुटुंबात आज प्रसन्न वातावरण असेल. आज दिवाळीनिमित्त तुमच्या घरी नवीन पदार्थ तयार केले जातील. त्याचा तुम्ही मनमुराद आनंद घ्याल. 

कन्या रास (Virgo Horoscope)

कन्या राशीच्या लोकांसाठी आजचा दिवस चांगला असणार आहे. आज तुमच्या आजूबाजूला प्रसन्नतेचं वातावरण असेल. तसेच, तुम्ही जे कार्य हाती घ्याल त्यात तुम्हाला चांगलं यश मिळेल. देवी लक्ष्मीचा आशीर्वाद असल्या कारणाने तुमची आर्थिक स्थिती चांगली असणार आहे. तसेच, सोने, चांदी, वाहन खरेदीसाठी आजचा दिवस चांगला आहे. 

तूळ रास (Libra Horoscope)

तूळ राशीच्या लोकांसाठी आजचा दिवस फार खास असणार आहे. आज देवी लक्ष्मीच्या कृपेने तुमच्या धन-संपत्तीत चांगली वाढ झालेली दिसेल. तसेच, कामाच्या ठिकाणी तुमचा दिवस चांगला जाईल. बिझनेसमध्ये तुमची चांगली प्रगती होईल. त्यामुळे तुम्ही आज निश्चिंत असाल. 

मकर रास (Capricorn Horoscope)

मकर राशीच्या लोकांसाठी आजचा दिवस लाभदायक असणार आहे. आज अनेक दिवसांपासून रखडलेले तुमचे कार्य पूर्ण होणार आहे. तसेच, मूक प्राण्यांप्रती तुम्हाला आज आपुलकी जाणवेल. घराबाहेर पडताना योग्य विचार करा आणि मगच बाहेर पडा. अन्यथा तुमचे जाणे निरर्थक ठरेल. संध्याकाळचा वेळ धार्मिक कार्यात जाईल. 

मीन रास (Pieces Horoscope)

मीन राशीच्या लोकांसाठी आजचा दिवस फार खास असणार आहे. कामाच्या ठिकाणी देखील तुम्हाला कोणत्याच गोष्टीचा ताण जाणवणार नाही. त्यामुळे तुम्ही खुश असाल. आज सामानाची खरेदी करण्याचा चांगला दिवस आहे. त्यामुळे तुमचा अर्धा वेळ त्यामध्ये जाईल. व्यापारी वर्गातील लोकांची आज चांगली खरेदी होऊ शकते. 

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: