Astrology Panchang 22 August 2024 : आज संकष्ट चतुर्थी आणि सर्वार्थ सिद्धी योगासह जुळून आले अनेक शुभ योग; 'या' 5 राशींच्या ज्ञानात आणि धनात होणार वृद्धी

Astrology Panchang 22 August 2024 : वैदिक ज्योतिष शास्त्रानुसार, आज जुळून आलेल्या शुभ योगाचा परिणाम पाच राशीच्या लोकांवर होणार आहे. या राशीच्या लोकांना नशिबाची चांगली साथ मिळणार आहे.

Astrology Panchang 22 August 2024

Source : ABP Web Team

Astrology Panchang 22 August 2024 : आज गुरुवारचा दिवस अनेक अर्थाने खास असणार आहे. आज संकष्ट चतुर्थीसह (Sankashti Chaturthi) अनेक शुभ संयोग जुळून आले आहेत. ग्रहांच्या स्थितीनुसार, आज सर्वार्थ सिद्धी योग (Yog), धृतिमान योग आणि उत्तरा भाद्रपद नक्षत्र असे अनेक शुभ संयोग जुळून आले आहेत. यामुळे आजच्या दिवसाचं महत्त्व अधिक वाढलं आहे. 

वैदिक ज्योतिष शास्त्रानुसार, आज जुळून आलेल्या शुभ योगाचा परिणाम पाच राशीच्या लोकांवर होणार आहे. या राशीच्या लोकांना नशिबाची चांगली साथ मिळणार आहे. या राशी (Zodisc Signs) नेमक्या कोणत्या आहेत ते जाणून घेऊयात. 

मिथुन रास (Gemini Horoscope)

मिथुन राशीच्या लोकांसाठी आजचा दिवस उत्साहवर्धक असणार आहे. या राशीच्या लोकांना नशिबाची चांगली साथ मिळणार आहे. तुम्हाला समाजात चांगला मान-सन्मान मिळणार आहे. आज नोकरदार वर्गातील लोकांना आपल्या मेहनतीच्या जीवावर चांगलं काम मिळेल. तसेच, उत्पन्नाची चांगली संधी मिळेल. तसेच, तुम्हाला गुंतवणुकीतून चांगला परतावा मिळेल. 

कर्क रास (Cancer Horoscope)

कर्क राशीच्या लोकांसाठी आजचा दिवस शुभ असणार आहे. भगवान विष्णूच्या कृपेने तुमचे रखडलेले पैसे तुम्हाला परत मिळतील. तुमच्या कुटुंबात चांगलं वातावरण राहील. नोकरदार वर्गातील लोकांचं उत्पन्न वाढण्याची देखील शक्यता आहे. जे लोक नोकरीच्या शोधात आहेत त्यांना लवकरच चांगली नोकरी मिळेल. 

कन्या रास (Virgo Horoscope)

कन्या राशीच्या लोकांसाठी आजचा दिवस फार लाभदायक असणार आहे. देवी लक्ष्मीची तुमच्यावर कृपा असल्या कारणाने तुमच्या धन-संपत्तीत चांगलीच वाढ होण्याची शक्यता आहे. त्यामुळे जर तुम्हाला नवीन वाहन किंवा प्रॉपर्टी विकत घ्यायची असेल तर त्यासाठी आजचा दिवस शुभ आहे. तुमच्या कुटुंबातील वातावरण प्रसन्न आणि शांत असेल. 

कुंभ रास (Aqurius Horoscope)

आजचा दिवस कुंभ राशीच्या लोकांसाठी फायदेशीर असणार आहे. कुंभ राशीच्या लोकांना आज एखाद्या मोठ्या व्यक्तीच्या मदतीने अडकलेले पैसे मिळू शकतात आणि तुमची सरकारी कामंही सहज पूर्ण होतील. राजकीय लोकांशी तुमचे संबंध वाढतील. आज तुम्ही तुमची सर्व प्रलंबित कामं पूर्ण कराल. तुम्हाला व्यवसायात चांगला नफा मिळेल, ज्याची तुम्ही खूप दिवसांपासून अपेक्षा करत होता. तुमच्या प्रेम जीवनात तणाव असला तरीही, तुम्ही तुमच्या नात्यात गोडवा कायम ठेवाल.

मीन रास (Pisces Horoscope)

मीन राशीच्या लोकांसाठी आजचा दिवस चांगला जाणार आहे. आज मीन राशीच्या लोकांची आर्थिक स्थिती पूर्वीपेक्षा मजबूत होईल आणि नवीन वाहन किंवा मालमत्ता खरेदी करण्याची शक्यता आहे. सूर्य देवाच्या कृपेने आज तुमचं बोलणं खूप प्रभावी असेल, ज्यामुळे इतर लोक तुमच्यावर लवकरच प्रभावित होतील. नशिबाने तुम्हाला प्रत्येक पावलावर साथ दिल्याने तुम्हाला यश मिळेल. कुटुंबातील सर्व सदस्य आनंदी दिसतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.) 

हेही वाचा :