Flood Help | राज्यातील पूरग्रस्तांच्या मदतीसाठी 154 कोटींचा निधी जिल्हाधिकाऱ्यांकडे, मुख्यमंत्री कार्यालयाची माहिती | ABP Majha

राज्यातील पूरस्थिती आणि त्यासाठी सरकार करत असलेल्या मदतीविषयीची माहिती मुख्यमंत्री कार्यालयाकडून ट्विटद्वारे जाहीर करण्यात आलीये. त्यानुसार कोल्हापूर आणि सांगलीतून आतापर्यंत 2 लाख 52 हजार नागरिकांची सुटका करण्यात आलीये. कोल्हापुरातील 8 तर सांगलीतील 4 तालुके महापुरानं बाधित झालेत. पूरग्रस्तांच्या मदतीसाठी 154 कोटींचा निधी जिल्हाधिकाऱ्यांकडे पोहोचवण्यात आलाय. पूरग्रस्त भागांमध्ये आरोग्य विभागाचे 70 पथकं रवाना करण्यात आलीयेत. तर वेगवेगळ्या संस्थांचे 62हून अधिक चमू मदतकार्य करतायत. तसच वीजपुरवठा पूर्ववत करण्यासाठी 40 पथकं पाठवण्यात आल्याची माहिती या ट्विटमध्ये दिलीये.