Pune Bypoll Election Results : मिवआची एकजूट, भाजपला धोबीपछाड, निकालाचा सविस्तर आढावा

भाजप आमदार लक्ष्मण जगतापांच्या निधनामुळं रिक्त झालेल्या चिंचवड मतदारसंघात रविवारी पोटनिवडणूक घेण्यात आली होती. त्या निवडणुकीत अपेक्षेनुसार भाजपच्या अश्विनी जगतापांनी दणदणीत विजय मिळवला. त्यांचा हा विजय मविआचे बंडखोर उमेदवार राहुल कलाटे यांच्यामुळं सुकर झाला. या पोटनिवडणुकीत महाविकास आघाडीचा पाठिंबा लाभलेले राष्ट्रवादीचे उमेदवार नाना काटे आणि बंडखोर राहुल कलाटे यांच्या मतांची बेरीज ही अश्विनी जगतापांपेक्षा अधिक होताना दिसते. त्यामुळं कलाटे यांनी केलेली बंडखोरी मविआला धक्का देणारी ठरली.