Nilesh Ghaiwal घायवळच्या घराची झडती, वेगवेगळ्या ठिकाणी खरेदी केलेली कागदपत्रे,पासबूक आढळली

पुणे पोलिसांनी निलेश घायवळच्या घराची झडती घेतली. त्यावेळी त्यांना मराठवाड्यातील विविध ठिकाणी खरेदी केलेल्या जमिनीची कागदपत्रे, पासबुक आणि इतर साहित्य सापडले. हे जमिनीचे व्यवहार मराठवाड्यातील पवनचक्क्यांशी संबंधित होते. घायवळच्या घरातून पोलिसांना अनेक जिवंत काडतुसेही मिळाली. यानंतर घायवळवर शस्त्रास्त्र कायद्यांतर्गत आणखी एक गुन्हा नोंदवण्यात आला. पोलिसांनी जप्त केलेल्या कागदपत्रांमध्ये सातबारा उतारे, साठेखत आणि विविध जमिनींच्या व्यवहारांशी संबंधित दस्तऐवज आहेत. या पवनचक्की प्रकल्पांच्या फाईल्समुळे आर्थिक गैरव्यवहार आणि काळ्या पैशांबाबत संशय निर्माण झाला आहे. पुणे पोलिसांनी आता घायवळच्या आर्थिक नेटवर्कची सखोल चौकशी सुरू केली आहे. पुणे महानगरपालिकेला पत्र लिहून घायवळच्या नावावरील अनधिकृत बांधकामे, मालमत्ता आणि थकीत करांची चौकशी करण्याची मागणी केली आहे. यामुळे घायवळच्या अनधिकृत मालमत्तांवर कारवाई होण्याची शक्यता आहे.