Pune Congress Protest : रणजीतसिंह निंबाळकर, रुपाली चाकणकरांविरोधात घोषणाबाजी

पुण्यातील लाल महाल चौकात महिला डॉक्टरच्या आत्महत्या प्रकरणी काँग्रेसने तीव्र आंदोलन केले. या आंदोलनात माजी खासदार रणजितसिंह निंबाळकर आणि महिला आयोगाच्या अध्यक्षा रुपाली चाकणकर यांच्या विरोधात जोरदार घोषणाबाजी करण्यात आली. काँग्रेस खासदार वर्षा गायकवाड यांनी आरोप केला की, 'महाराष्ट्रामध्ये कायदा आणि सुव्यवस्था राहिलेली नाही, रक्षकच भक्षक झाले आहेत'. या प्रकरणात काँग्रेसने SIT चौकशीची मागणी केली आहे. डॉ. संपदा मुंडे यांनी आत्महत्येपूर्वी लिहिलेल्या चिठ्ठीत एका पोलीस उपनिरीक्षकावर बलात्कार आणि एका सॉफ्टवेअर इंजिनिअरवर मानसिक छळाचा आरोप केला होता. या प्रकरणामुळे राज्यात राजकीय वातावरण तापले असून, विरोधी पक्षांनी सरकारवर टीकेची झोड उठवली आहे. काँग्रेस नेते राहुल गांधी यांनी पीडितेच्या कुटुंबीयांशी संवाद साधून न्यायासाठी लढ्यात सोबत असल्याचे आश्वासन दिले आहे.