Sangram Jagtap : 'नुसती नोटीस नाही, पक्षातून काढून टाका', Supriya Sule आक्रमक

राष्ट्रवादी काँग्रेसचे (NCP) आमदार संग्राम जगताप (Sangram Jagtap) यांनी 'दिवाळीत केवळ हिंदूंकडूनच खरेदी करा' असे वादग्रस्त वक्तव्य केल्याने राजकीय वातावरण तापले आहे. 'नुसती नोटिस होणार नाही, पक्षातून काढून टाकायला पाहिजे, कारण अशी व्यक्ती समाजात तेढ निर्माण करून देशाच्या संविधानाच्या विरोधात काम करत आहे,' अशी तीव्र प्रतिक्रिया खासदार सुप्रिया सुळे (Supriya Sule) यांनी दिली आहे. उपमुख्यमंत्री अजित पवार (Ajit Pawar) यांनी जगताप यांचे विधान पक्षाच्या भूमिकेशी विसंगत असल्याचे सांगत त्यांना कारणे दाखवा नोटीस बजावण्यात येईल असे स्पष्ट केले आहे. दुसरीकडे, पहिलगाममध्ये धर्म विचारून लोकांना मारले जात असेल, तर खरेदी करताना धर्म विचारायला काय हरकत आहे, असे म्हणत जगताप यांनी आपल्या वक्तव्याचे समर्थन केले आहे. या प्रकरणामुळे अजित पवार गटाची चांगलीच अडचण झाली असून, पक्षाच्या विचारधारेवर प्रश्नचिन्ह निर्माण झाले आहे.