Mohammed Siraj: टीम इंडियाचे स्टार्स मोहम्मद सिराजच्या रेस्टॉरंटमध्ये जमले, एकत्र डिनरही केलं; हटके फोटो व्हायरल
पुद्दुचेरीविरुद्ध बंगाल संघाच्या सय्यद मुश्ताक अली ट्रॉफी सामन्यामुळे या खेळाडूंना सिराजच्या रेस्टॉरंटला भेट देण्याची संधी मिळाली. बंगालचे खेळाडू सिराजच्या रेस्टॉरंटमध्ये डिनरला जमले.
Mohammed Siraj: दक्षिण आफ्रिकेविरुद्धच्या तीन सामन्यांच्या एकदिवसीय मालिकेत वेगवान गोलंदाज मोहम्मद सिराज भारतीय संघाचा भाग नव्हता. त्याला विश्रांती देण्यात आली होती. तो 9 डिसेंबरपासून सुरू होणाऱ्या पाच सामन्यांच्या टी-20 मालिकेलाही मुकणार आहे. सिराजने दक्षिण आफ्रिकेविरुद्धच्या अलिकडच्या कसोटी मालिकेत दोन्ही सामने खेळले होते, जिथे भारतीय संघाला दारुण पराभव पत्करावा लागला होता.
सिराजच्या रेस्टॉरंटमध्ये टीम इंडियाचे स्टार्स पोहोचले
मोहम्मद सिराज सध्या हैदराबादकडून सय्यद मुश्ताक अली ट्रॉफीमध्ये खेळत आहे. दरम्यान, सिराजने मोहम्मद शमी, मुकेश कुमार आणि आकाश दीप सारख्या स्टार खेळाडूंना हैदराबादमधील "जोहरफा" या त्याच्या रेस्टॉरंटमध्ये जेवणासाठी आमंत्रित केले. पुद्दुचेरीविरुद्ध बंगाल संघाच्या सय्यद मुश्ताक अली ट्रॉफी सामन्यामुळे या खेळाडूंना सिराजच्या रेस्टॉरंटला भेट देण्याची संधी मिळाली. पुद्दुचेरीविरुद्धच्या सामन्यापूर्वी, बंगालचे खेळाडू सिराजच्या रेस्टॉरंटमध्ये डिनरला जमले.
View this post on Instagram
शमीने सिराजचे आभार मानले
शमीने इन्स्टावर फोटो शेअर केले आणि सिराजचे आभार मानले. शमीने कॅप्शनमध्ये लिहिले आहे की, "मोहम्मद सिराजने मला आणि संघातील इतर खेळाडूंना रेस्टॉरंटमध्ये आमंत्रित केले, ज्यामुळे आमचे नाते आणखी दृढ झाले. आम्ही एकत्र छान डिनर केले, मजा केली आणि मैदानावर आणि मैदानाबाहेर अनुभव शेअर केले. मोहम्मद सिराज, अद्भुत आदरातिथ्याबद्दल धन्यवाद."सिराजने दाखवलेला आदरातिथ्य कधीही विसरणार नाही. मुश्ताक अली ट्रॉफीमध्ये पुद्दुचेरी विरुद्धच्या सामन्यापूर्वी, बंगालच्या खेळाडूंनी सिराजसोबत जेवणासाठी बसून मजा केली आणि मैदानाबाहेरही त्यांची मैत्री मजबूत केली. हे खेळाडू क्रिकेटच्या मैदानावर जोरदार स्पर्धा करतात, परंतु मैदानाबाहेर ते एका कुटुंबासारखे दिसत होते. मोहम्मद सिराजने त्याच्या इन्स्टाग्राम स्टोरीवर या भेटीचा फोटोही शेअर केला आहे. सय्यद मुश्ताक अली ट्रॉफीच्या या हंगामात सिराजने आतापर्यंत फक्त एकच सामना खेळला आहे, ज्यामध्ये त्याने चार षटकांमध्ये 15 धावा देऊन एक विकेट घेतली आहे.
हम्मद शमी देशांतर्गत क्रिकेटमध्ये उत्कृष्ट फॉर्ममध्ये
दरम्यान, मोहम्मद शमी देशांतर्गत क्रिकेटमध्ये उत्कृष्ट फॉर्ममध्ये आहे. अलीकडेच, सर्व्हिसेसविरुद्ध, त्याने 3.2 षटकांमध्ये 13 धावा देऊन चार विकेट घेतल्या. या हंगामातील सय्यद मुश्ताक अली ट्रॉफीमध्ये मोहम्मद शमीने पाच सामन्यात नऊ विकेट्स घेतल्या आहेत. शमीने शेवटचा भारताकडून चॅम्पियन्स ट्रॉफी 2025 च्या अंतिम फेरीत खेळला होता. बंगाल सध्या पाचपैकी चार सामने जिंकून 16 गुणांसह सय्यद एलिट ग्रुप सी मध्ये आघाडीवर आहे. सिराजची हैदराबाद टीम 16 गुणांसह एलिट ग्रुप बी मध्ये पहिल्या स्थानावर आहे आणि आता बिहारशी सामना करेल.
इतर महत्वाच्या बातम्या
महत्त्वाच्या बातम्या
