Kolhapur : एन.डी पाटील यांना अखेरचा निरोप,कष्टकरी कामगारांचं नेतृत्व हरपलं : ABP Majha

 शेकापचे ज्येष्ठ नेते एन. डी. पाटील यांच्यावर कोल्हापुरातील कसबा बावडा येथील स्मशानभूमीत शासकीय इतमामात अंत्यसंस्कार करण्यात आले. एन. डी. पाटील यांच्या दोन्ही मुलांनी त्यांना मुखाग्नी दिला.  महाराष्ट्राच्या पुरोगामी, डाव्या चळवळीतील अग्रणी आणि शेतकरी कामगार पक्षाचे नेते प्राध्यापक एन. डी. पाटील यांचे काल निधन झाले. त्यांच्या पार्थिवावर आज दुपारी कोल्हापुरात शासकीय इतमामात अंत्यसंस्कार करण्यात आले. त्याआधी अंत्यदर्शन घेण्यासाठी त्यांचे पार्थिव रयत शिक्षण संस्थेच्या छत्रपती शाहू कॉलेजच्या प्रांगणात ठेवण्यात आले होते.  राष्ट्रवादीचे अध्यक्ष शरद पवार, उपमुख्यमंत्री अजित पवार, गृहमंत्री दिलीप वळसे पाटील, महसूलमंत्री बाळासाहेब थोरात, कोल्हापूरचे पालकमंत्री सतेज पाटील, ग्रामविकास मंत्री हसन मुश्रीफ यांच्यासह अनेक नेते अंत्यसंस्कारासाठी उपस्थित होते.