Sachin Tendulkar: सचिन तेंडुलकर सहकुटुंब राष्ट्रपती भवनमध्ये, दिलखुलास गप्पा अन् राष्ट्रपती मुर्मूंसाठी 'खास भेट'

Sachin Tendulkar: टीम इंडियाचा मास्टरब्लास्टर भारतरत्न सचिन तेंडुलकरने आज सहकुटुंब राष्ट्रपती द्रौपदी मुर्मू यांची भेट घेतली. यावेळी, राष्ट्रपती भवन परसरात राष्ट्रपतींसोबत फिरुन फोटोशूटही केली.

Sachin tendulkar with president draupadi murmu

टीम इंडियाचा मास्टरब्लास्टर भारतरत्न सचिन तेंडुलकरने आज सहकुटुंब राष्ट्रपती द्रौपदी मुर्मू यांची भेट घेतली. यावेळी, राष्ट्रपती भवन परसरात राष्ट्रपतींसोबत फिरुन फोटोशूटही केली

राष्ट्रपती भवनमधील या सत्रासाठी अनेक भावी खेळाडू आणि विविध शाळा-महाविद्यालयांतील विद्यार्थ्यांची देखील उपस्थिती होती.

सचिनने सांघिक कार्य, इतरांची काळजी घेणे, इतरांचे यश साजरे करणे, कठोर परिश्रम करणे, मानसिक व शारीरिक कणखरता विकसित करणे, यांसह व्यक्तीमत्व विकास व जीवनात बदल घडवणाऱ्या घटनांवरुन मार्गदर्शन केलं.

भविष्यातील स्पोर्ट्स-स्टार हे देशाच्या दुर्गम भागातून, आदिवासी समुदायांमधून आणि विशेषाधिकार नसलेल्या ग्रामीण भारतातून येतील, असे सचिनने यावेळी म्हटले.

दरम्यान, राष्ट्रपती भवनमध्ये सचिन तेंडलुकरसह त्याची पत्नी अंजली आणि मुलगी सारा तेंडुलकर हेही उपस्थित होते

राष्ट्रपती द्रौपदी मुर्मू यांच्या सोशल मीडिया अकाऊंटवरुन यासंदर्भातील फोटो शेअर करण्यात आले असून व्हिडिओ देकील समोर आला आहे.

सचिन तेंडुलकरने सहारा स्पॉन्सर असलेली कसोटी क्रिकेटमधील आपली जर्सी राष्ट्रपती द्रौपदी मुर्मू यांना भेट दिली. या जर्सीवर सचिनने सहीही केल्याचं पाहायला मिळत आहे.