Prashant Padole : '...यावेळेस आम्ही तुम्हाला उडवून देऊ', काँग्रेस खासदार यांचा मोदी सरकारला इशारा

भंडाऱ्याचे काँग्रेस खासदार प्रशांत पडोळे (Prashant Padole) यांनी पंतप्रधान नरेंद्र मोदी (Narendra Modi) आणि मुख्यमंत्री देवेंद्र फडणवीस (Devendra Fadnavis) यांना उद्देशून केलेल्या वक्तव्यामुळे वाद निर्माण झाला आहे. ‘यावेळेस आम्ही करणार नाहीत, यावेळेस आम्ही तुम्हाला उडवून देऊ साहेब, तुम्हाला उडवून देऊ,’ असा थेट धमकीवजा इशारा पडोळे यांनी दिला आहे. केंद्र आणि राज्य सरकारने शेतकरीविषयक धोरणे तातडीने बदलून नुकसानग्रस्त शेतकऱ्यांना एक लाख रुपये हेक्टरी आर्थिक मदत द्यावी, अशी मागणी त्यांनी केली आहे. परतीच्या पावसाने झालेल्या नुकसानीनंतर पीक विम्यापोटी शेतकऱ्यांना केवळ १८ रुपये मिळत असल्याचा आरोपही त्यांनी केला. त्यांच्या या खळबळजनक विधानामुळे राजकीय वर्तुळात तीव्र प्रतिक्रिया उमटत आहेत.