PassportScam: 'आमचा पक्ष असो वा दुसरा, थारा नाही', Nilesh Ghaywal प्रकरणी CM Fadnavis कडाडले!

पुण्यातील कुख्यात गुंड निलेश घायवळ (Nilesh Ghaywal) याला पासपोर्ट मिळाल्याच्या प्रकरणावरून राजकारण तापले असून, मुख्यमंत्री देवेंद्र फडणवीस (CM Devendra Fadnavis) यांनी सखोल चौकशीचे आश्वासन दिले आहे. 'माझं मत अतिशय स्पष्ट आहे, अशाप्रकारची जी प्रवृत्ती आहे त्याला दुसरा पक्ष असो का आमचा पक्ष असो, कोणीही त्याला थारा देता कामा नये; अशा प्रवृत्तीवर कारवाई केलीच जाईल,' असे मुख्यमंत्र्यांनी ठामपणे सांगितले आहे. घायवळ राहत नसतानाही त्याला पासपोर्ट कसा मिळाला, यासाठी कोणाचा राजकीय दबाव होता आणि निवडणुकीत त्याने कोणासाठी काम केले होते, या सर्व बाबींचा तपास केला जाणार असल्याचे फडणवीस यांनी स्पष्ट केले. या प्रकरणी चुकीचा अहवाल देणाऱ्या पोलीस अधिकाऱ्यांवर कारवाई केली जाईल, असेही ते म्हणाले. घायवळच्या बनावट कागदपत्र आणि राजकीय संबंधांमुळे हे प्रकरण अधिकच गुंतागुंतीचे झाले असून, मुख्यमंत्र्यांच्या कठोर भूमिकेमुळे आता कोणते नेते अडचणीत येणार याकडे सर्वांचे लक्ष लागले आहे.