Vikas Dubey Encounter | विकास दुबे एन्काऊंटर: जे झालं ते योग्यच, शहीद पोलिसांच्या कुटुंबीयांची भावना

आठ पोलिसांच्या हत्येप्रकरणातील मुख्य आरोपी विकास दुबे चकमकीत मारला गेला आहे. त्याला उत्तर प्रदेश पोलिस कानपूरला घेऊन आले. मात्र कानपूरमध्ये येताच पोलिसांची गाडी रस्त्यावर पलटी झाली. यावेळी विकास दुबेने एका पोलिसाची बंदूक घेऊन पळून जाण्याचा प्रयत्न केला. यावेळी पोलिस आणि विकास दुबेदरम्यान जोरदार चकमक झाली. या चकमकीत विकास दुबेचा खात्मा झाला असल्याची माहिती आहे. कानपूरमधील भौती परिसरात ही घटना घडली. जे झालं ते योग्यच आहे, अशा शब्दात  शहीद पोलिसांच्या कुटुंबीयांनी आपल्या भावना व्यक्त केल्या.