नाशिक : पेट्रोल पंपावरील कर्मचाऱ्याला मारहाण करत पैशांची लूट, प्रकार सीसीटीव्हीत कैद

कार्डद्वारे पेट्रोलचे पैसे भरल्यानंतर एमएमएस न आल्याच्या राग मनात धरुन एका टोळक्याने पेट्रोल पंप कर्मचाऱ्याला बेदम मारहाण केलीये. नाशिकमधली ही घटना सीसीटीव्हीतही कैद झालीये. सुधाकर पटेकर हा कर्मचारी त्र्यंबकनाक्यावरील पेट्रोल पंपवर काम करत असताना श्रीकांत वाघ नावाच्या तरुणाने एसएमएस न आल्याच्या कारणावरुन शिवीगाळ करत निघून गेला. त्यानंतर काही वेळाने श्रीकांत आपल्या ८ साथीदारांसह तिथे आला आणि सुधाकरला बेदम मारहाण केली. इतकच नाही तर कर्मचाऱ्याकडची १२ हजार ७०० रुपये देखील लुटुन नेले. या घटनेत सुधाकर पटेकर गंभीर जखमी झालेयत. त्यांच्यावर खाजगी रुग्णालयात उपचार सुरु असून या प्रकरणी पोलिसांनी आठही आरोपींना ताब्यात घेतलयं.