मुंबई : सकल मराठा मोर्चाचा 1 ऑगस्टला जेलभरोचा इशारा

सकल मराठा मोर्चाच्या वतीनं १ ऑगस्टला जेलभरोचा इशारा देण्यात आलाय. त्याचबरोबर मुख्यमंत्री देवेंद्र फडणवीस आणि महसूलमंत्री चंद्रकांत पाटील यांनी मराठा समाजाची माफी मागावी अशी मागणीही मराठा समाजाने केलीय. गेल्या आठवडाभरापासून मराठा समाजाच्या ठोक मोर्चानं हिंसक रुप धारण केलंय. त्यानंतर सरकारकडून अनेक आंदोलकांवर गुन्हे दाखल करण्यात आले आहेत. हे गुन्हे मागे घ्या, आंदोलकांवर लाठीमार करणाऱ्या पोलिसांवर कारवाई करा अशी मागणीही सकल मराठा समाज महामुंबईने केली आहे.