हैदराबाद : कास्टिंग काऊचच्या निषेधार्थ अभिनेत्रीने स्वत:चे कपडे उतरवले

तेलुगू चित्रपटसृष्टीत करिअरसाठी धडपडणारी अभिनेत्री श्री रेड्डी हिनं कास्टिंग काउचविरोधात आवाज उठवला. कास्टिंग काऊचला विरोध म्हणून शनिवारी हैदराबादच्या फिल्म नगरमधील फिल्म चेंबर ऑफ कॉमर्ससमोर तिने स्वत: चे कपडे उतरवले. यावेळी अनेक निर्माते आणि दिग्दर्शकांनी आपलं लैंगिक शोषण केलं असल्याचा गंभीर आरोप श्री रेड्डी हिनं केला. तर तीन चित्रपटांमध्ये काम करूनही मूव्ही आर्टीस्ट असोसिएशनचं कार्ड न मिळाल्याचं तिनं सांगितलं. पोलिसांनी अखेर तिच्या या वर्तनाबद्दल तिला ताब्यात घेतलं.