712 : अकोला : गुलाबी बोंडअळीच्या नायनाटासाठी 'गुजरात पॅटर्न'

राज्यातील कापूस उत्पादक शेतकऱ्याला यंदाचं वर्ष त्रासदायक गेलं. गुलाबी बोंड अळीच्या प्रादुर्भावामुळे उभं शेत काढून टाकण्याची वेळ आली. यापुढे अशी परिस्थिती येऊ नये यासाठी डॉ.पंजाबराव देशमुख कृषी विद्यापीठात कार्यशाळा आयोजित करण्यात आली. डॉ.पंजाबराव देशमुख कृषी विद्यापीठ आणि परभणीच्या वसंतराव नाईक मराठवाडा कृषी विद्यापीठ याचा हा एकत्रित उपक्रम होता. यामध्ये गुलाबी बोंड अळीच्या नियंत्रणासाठी गुजरात पॅटर्न लागू करण्याचं ठरवण्यात आलं. यावेळी राज्याचे कृषीमंत्री पांडुरंग फुंडकरही उपस्थित होते.