फक्त एकदा चार्ज करा अन् 50 तास बिनधास्त वापरा! Sennheiser Accentum Plus वायरलेस हेडफोन्स लॉन्च

Sennheiser ACCENTUM Plus Headphones : काही हेडफोनची चार्जिंग अवघ्या काही तासांतच संपते. अशा वेळी एका चार्जमध्ये तब्बल 50 तास टिकेल असा Sennheiser ब्रॅंडचा Accentum plus हेडफोन लॉन्च करण्यात आला आहे. 

Sennheiser ACCENTUM Plus Headphones (Image Source : Sennheiser)

Sennheiser ACCENTUM Plus Headphones : जर तुम्ही नवीन हेडफोनच्या (Headphone) शोधात असाल तर ही बातमी तुमच्यासाठीच आहे. प्रसिद्ध ऑडियो ब्रॅंड Sennheiser ने आपली Accentum सीरिज सेल करण्यास सुरुवात केली आहे. तुम्हाला हे हेडफोन कंपनीच्या अधिकृत वेबसाईट आणि ई-कॉमर्स प्लॅटफॉर्म Amazon वर उपलब्ध आहेत. या हेडफोनचं वैशिष्ट्य नेमकं काय तसेच याची किंमत नेमकी किती असेल या संदर्भात अधिक माहिती जाणून घेऊयात. 

अनेकदा लांबच्या प्रवासासाठी आपल्याला दीर्घकाळ चालणारे हेडफोन्स हवे असतात. पण, काही हेडफोनची चार्जिंग अवघ्या काही तासांतच संपते. अशा वेळी एका चार्जमध्ये तब्बल 50 तास टिकेल असा Sennheiser ब्रॅंडचा Accentum plus हेडफोन लॉन्च करण्यात आला आहे. सर्वात चांगली गोष्ट म्हणजे हे वायरलेस हेडफोन्स आहेत. 

Sennheiser Accentum plus 

Accentum Plus त्याच्या Hybrid Active Noise Cancellation (AANC), 50 तासांची बॅटरी लाईफ आणि टच-जेश्चर कंट्रोलसह उपलब्ध आहे. या वैशिष्ट्यामुळे हा हेडफोन बाजारात उपलब्ध असलेल्या इतर हेडफोन्सपेक्षा वेगळा ठरतो. सर्वात बेस्ट क्वालिटी आणि तुमच्या गरजा पूर्ण करण्यासाठी कंपनीच्या या नवीनतम हेडफोन्समध्ये अनेक वैशिष्ट्ये देण्यात आली आहेत. 

अपडेटेड हेडफोन्समध्ये 'ही' खास वैशिष्ट्ये उपलब्ध आहेत

• या हेडफोन्समध्ये तुम्हाला हायब्रिड AANC फीचर मिळत आहे. तुम्ही कोणत्याही वातावरणात गाणी ऐकण्यासाठी या हेडफोनचा वापर करू शकता.
• तुम्हाला Sennheiser हेडफोन्समध्ये एक्सटेंडेड प्ले टाईम मिळत आहे, ज्यामध्ये तुम्ही 50 तासांपर्यंत गाणी ऐकू शकता.
• चार्जिंगसाठी, तुम्हाला या हेडफोन्समध्ये फास्ट चार्जिंगचा पर्याय देखील मिळतो. हे हेडफोन 10 मिनिटांसाठी चार्ज केल्यानंतर 5 मिनिटांचा प्ले टाईम देते.
• लोकप्रिय कोडेक्स आणि ब्लूटूथ कनेक्टिव्हिटीसाठी सपोर्टसह उत्कृष्ट कनेक्टिव्हिटी मिळते.
• यामध्ये तुम्ही तुमच्या आवडीनुसार सेटिंग्ज सेट करू शकता. तुम्ही तुमच्या इच्छेनुसार त्याचा आवाज एडजस्ट करू शकता. वापरायलाही हे अगदी कम्फर्टेबल हे हेडफोन्स आहेत. 

किंमत आणि उपलब्धता

या अप्रतिम हेडफोन्सची किंमत 14,942 रुपये असली तरी तुम्ही त्यांना ई-कॉमर्स प्लॅटफॉर्म Amazon वरून 17 टक्के सूट देऊन केवळ 12,451 रुपयांमध्ये खरेदी करू शकता. हे दोन रंग पर्यायांमध्ये उपलब्ध आहेत ज्यात काळा आणि पांढरा समावेश आहे. तुम्हाला हवे असल्यास तुम्ही कंपनीच्या अधिकृत वेबसाईटवरूनही ते खरेदी करू शकता.

महत्त्वाच्या बातम्या :