Raj Thackeray MNS On BMC Ward Committees Election:उद्धव ठाकरेंच्या त्या निर्णयामुळे राज ठाकरे नाराज?

Raj Thackeray MNS On BMC Ward Committees Election: मुंबई महानगरपालिकेतील प्रभाग समितीच्या निवडणुकीत (BMC Ward Committees Election 2026) मनसे तटस्थ राहण्याची भूमिका घेण्याच्या तयारीत आहे. त्यामुळे ठाकरेंच्या शिवसेनेकडून स्वीकृत नगरसेवकाची एक जागा न मिळाल्यामुळे मनसे नाराज असल्याची चर्चा सध्या रंगली आहे. (Raj Thackeray MNS On BMC Ward Committees Election 2026)

ठाकरेंच्या शिवसेनेचे मुंबई महानगर पालिकेत 3 स्वीकृत नगरसेवक झाले या पैकी एक नगरसेवक मनसेचा व्हावा, अशी मनसेची अपेक्षा होती.  स्वीकृत नगरसेवक पद न दिल्यामुळे काही प्रभाग समितीचे अध्यक्ष पद ठाकरेंच्या शिवसेनेकडून मनसेला देण्यात येणार होते, अशी चर्चा दोन पक्षाच्या नेत्यांमध्ये झाली. मात्र आता प्रभाग समितीच्या निवडणुकीत मनसे तटस्थ राहण्याची भूमिका मनसे घेत असल्याची माहिती आहे. मनसेच्या या भूमिकेमुळे फटका ठाकरेंच्या शिवसेनेला बसू शकतो तर फायदा महायुतीला होऊ शकतो.