WhatsApp New Feature : आता व्हॉट्सअॅपवर नंबर सेव्ह करणं होणार सोपं, जाणून घ्या स्टेप्स
आता तुम्हाला नंबरशिवाय देखील लोकांना Whatsapp ला अॅड करता येणार आहे. म्हणजेच तुम्हाला केवळ QR Code स्कॅन करावं लागणार आहे. या पद्धतीमुळे तुमचा वेळ आणि कष्ट दोन्ही वाचू शकणार आहेत.
WhatsApps QR code feature to add people : लोकप्रिय मेसेजिंग अॅप व्हॉट्सअॅप (WhatsApp) आपल्या यूजर्ससाठी नेहमीच अपडेटेड फीचर्स घेऊन येत असतं. भारतात WhatsApp वापरणाऱ्यांची संख्या मोठ्या प्रमाणात आहे. तब्बल 550 दशलक्षहून अधिक लोक WhatsApp वापरतात. आजच्या काळात मित्र, कुटुंब आणि इतर लोकांशी कनेक्ट राहण्यात WhatsApp खूप महत्त्वाची भूमिका बजावते. याद्वारे हजारो किलोमीटर दूर बसलेल्या व्यक्तीशीही आपण सर्वजण जोडलेले असतो.
सुरूवातीस कोणत्याही व्यक्तीशी संपर्क साधायचा म्हटलं की, एकमेकांना नंबर शेअर करावे लागत होते. पण आता तुम्हाला नंबरशिवाय देखील लोकांना Whatsapp ला अॅड करता येणार आहे. म्हणजेच तुम्हाला केवळ QR Code स्कॅन करावं लागणार आहे. या पद्धतीमुळे तुमचा वेळ आणि कष्ट दोन्ही वाचू शकणार आहेत. Linkedin Device मध्ये तुम्ही या सुविधेचा लाभ घेऊ शकत नाहीत.
काय आहे प्रोसेस?
तुमचे WhatsApp ओपन करा. स्क्रीनच्या वरच्या उजव्या बाजूला असलेल्या तीन पाॅईंट्सवर क्लिक करा. आता ड्रॉप-डाउन मेनूमधून, 'सेटिंग्ज' वर टॅप करा. त्यानंतर तुम्हाला एक नवीन पेज दिसेल. आता तुमच्या प्रोफाइल पेजच्या उजव्या बाजूला, QR कोड आयकॉनवर टॅप करा आणि नंतर तुम्हाला Scan QR Code हा पर्याय दिसेल. तो फोनने स्कॅन करा. तुम्ही स्कॅन करताच, तुम्हाला एक नवीन संपर्क दिसेल, तुम्ही तो लगेच सेव्ह करू शकता.
व्हॉट्सअॅपवर HD व्हिडीओ शेअर करता येणार
काही दिवसांपूर्वीच व्हॉट्सअॅपमध्ये कंपनीने लोकांना एचडी फोटो शेअर करण्याचे फीचर दिले आहे. लोकांना टप्प्याटप्प्याने हे अपडेट मिळत आहेत. लवकरच यूजर्सना HD क्वालिटीचे व्हिडीओ शेअर करण्याचा पर्याय दिला जाणार आहे. आता हे फीचर देखील लाईव्ह होऊ लागले आहे. 9to5Mac च्या रिपोर्टनुसार, काही यूजर्सना HD व्हिडीओ शेअर करण्याचा पर्याय मिळू लागला आहे.
या 2 पर्यायांमध्ये व्हिडीओ शेअर करता येईल
व्हॉट्सअॅप अपडेटनंतर, अॅपमध्ये व्हिडीओ शेअर करताना, यूजर्सना 2 पर्याय मिळतील ज्यामध्ये एक स्टॅंडर्ड आणि दुसरा एचडी व्हिडीओ क्वालिटीचा असेल. यूजर्स आपल्या सोयीनुसार कोणताही पर्याय निवडू शकतात. तुम्ही HD पर्याय निवडल्यास, तुमचे इंटरनेट सामान्यपेक्षा जास्त वेळ घेईल. त्यामुळे आवश्यकतेनुसार पर्यायांमध्ये स्विच करा.
तर स्टॅंडर्ड व्हर्जन निवडल्यानंतर WhatsApp व्हिडीओवर प्रोसेस करते आणि 480p रिझोल्यूशनमध्ये पाठवते. तुमचे इंटरनेट कनेक्शन कमी असताना हा पर्याय निवडणे फायदेशीर ठरू शकतो. एचडी पर्यायामध्ये, कंपनी 720p रिझोल्यूशनमध्ये व्हिडीओ पाठवते जे अद्याप 1080p किंवा 4K पेक्षा खूपच कमी आहे परंतु त्याची क्वालिटी स्टॅंंडर्डच्या तुलनेत चांगली वाढते.
इतर महत्वाच्या बातम्या
महत्त्वाच्या बातम्या
