'मॅन ऑफ द सीरिज' आर. अश्विनवर सेहवागचं मजेशीर ट्वीट

मुंबई: टीम इंडियाचा माजी फलंदाज वीरेंद्र सेहवाग सध्या आपल्या ट्विटरवरील फटकेबाजीमुळे सोशल मीडियात बराच चर्चेत आहे. यावेळी सेहवागने 'मॅन ऑफ द सीरिज' ठरलेल्या आर. अश्विनवर मजेशीर ट्वीट केलं आहे. हे ट्वीट बरंच व्हायरल होत आहे. इंदूर कसोटीत दोन्ही डावात मिळून आर. अश्विनने न्यूझीलंडचे 13 गडी बाद केले. तर तीन सामन्यांच्या मालिकेत एकूण 27 विकेट घेतल्या. त्याच्या याच कामगिरीबद्दल त्याला मॅन ऑफ द सीरीज म्हणून निवडण्यात आलं. त्यानंतर वीरुनं आपल्या खास शैलीत त्याचं अभिनंदन केलं.

Congrats @ashwinravi99 for an incredible 7th Man of the series. Only a married man can understand d urgency of going home early.#FamilyTime

— Virender Sehwag (@virendersehwag) October 11, 2016

सेहवागने ट्वीट केलं की, 'सातव्यांदा मॅन ऑफ द सीरिजसाठी आर. अश्विनला शुभेच्छा, "फक्त लग्न झालेल्या पुरुषालाच घरी लवकर जाण्याचं महत्त्व समजू शकतं. #FamilyTime.’’

@ashwinravi99 @virendersehwag hahaha I didn't do much :) — Prithi Ashwin (@prithinarayanan) October 11, 2016

सेहवागच्या या मजेशीर ट्वीटवर आर. अश्विनची पत्नी प्रीती आणि सेहवगाची पत्नी आरतीने देखील ट्वीट केलं आहे.

.@prithinarayanan Neither did I. Both in a hurry as always @ashwinravi99@virendersehwag

— Aarti Sehwag (@AartiSehwag) October 11, 2016

भल्याभल्या फलंदाजांची विकेट काढणाऱ्या अश्विनची मात्र सेहवागने या मजेशीर ट्वीटने विकेट काढली.

@virendersehwag lol..viru pa — Ashwin Ravichandran (@ashwinravi99) October 11, 2016

दरम्यान, मालिकेतील तिसऱ्या कसोटीत भारताने न्यूझीलंडचा 321 धावांनी दणदणीत पराभव केला. तिसऱ्या कसोटीत विजय मिळवून भारताने मालिकेत 3-0ने विजय मिळवून न्यूझीलंडला व्हॉईट वॉश दिला.