Virat Kohli New Look: क्रिकेटर आहे की हॉलिवूडचा अभिनेता? विराट कोहलीच्या नव्या लूकवर चाहत्यांची भन्नाट प्रतिक्रिया

RCB Vs CSK, IPL 2022: रायल चॅलेंजर्सचा माजी कर्णधार विराट कोहलीनं गुजरात विरुद्ध सामन्यात अर्धशतक ठोकून फॉर्ममध्ये परतला आहे.

(Photo Credit: PTI)

RCB Vs CSK, IPL 2022: रायल चॅलेंजर्सचा माजी कर्णधार विराट कोहलीनं गुजरात विरुद्ध सामन्यात अर्धशतक ठोकून फॉर्ममध्ये परतला आहे. आज आरसीबीचा संघ कोलकात्याशी भिडणार आहे. या सामन्यात विराट कोहली मोठी धावसंख्या उभी करेल, अशी अपेक्षा केली जात आहे. यातच विराट कोहलीचा नवा लूक समोर आला आहे. विराटच्या नव्या लूकचा फोटो पाहून चाहते सोशल मीडियावर भन्नाट प्रतिक्रिया देत आहेत. दरम्यान, विराटच्या एका चाहत्यानं त्याच्या फोटोवर क्रिकेटर आहे की हॉलिवूड अभिनेता? अशी कमेंट केली आहे.

भारताचा स्टार फलंदाज विराट कोहली फलंदाजीसह त्याच्या स्टायलिश लूकमुळं प्रसिद्ध आहे. आयपीएलच्या यंदाच्या हंगामात विराट कोहली नव्या लूकमध्ये दिसला. त्याचा लूक पाहून चाहते हैराण झाले आहेत. रॉयल चॅलेंजर्स बगंळुरूनं त्यांच्या अधिकृत ट्वीटर हॅंडलवरून विराटच्या नव्या लूकचा फोटो शेअर केला आहे. विराटाचा नवा लूक त्याच्या चाहत्यांना आवडत आहे. महत्वाचं म्हणजे, जगभरातील स्टायलिश क्रिकेटर्सच्या यादीत विराट कोहलीचं नाव आवर्जून घेतलं जातं. जगातील सर्वाधिक तंदुरुस्त, कमाई करणाऱ्या खेळाडूंमध्येही त्याचा समावेश आहे.

ट्वीट-

 पुण्याच्या (Pune)  महाराष्ट्र क्रिकेट असोसिएशन स्टेडियमवर (Maharashtra Cricket Association Stadium) रॉयल चॅलेंजर्स बंगळुरू आणि चेन्नई सुपर किंग्ज (Royal Challengers Bangalore Vs Chennai Super Kings) यांच्यात आज आयपीएल 2022 चा 49 वा सामना खेळणार आहे. चेन्नईच्या संघानं आतापर्यंत नऊ सामन्यांपैकी तीन सामन्यात विजय मिळवला आहे. तर, आरसीबीला दहा पैकी पाच सामन्यात यश मिळालं आहे. तर, पाच सामन्यात पराभवाचा सामना करावा लागला. प्लेऑफच्या शर्यतीतील आव्हान कायम ठेवण्यासाठी दोन्ही संघाला विजय मिळवणं गरजेचं आहे. यंदाच्या हंगामात चेन्नई आणि आरसीबी दुसऱ्यांदा आमने-सामने येत आहे. पहिल्या सामन्यात चेन्नईच्या संघानं विजय मिळवला. आजच्या सामन्यात कोणता संघ बाजी मारणार? याकडं सर्वांचं लक्ष लागलं आहे. 

हे देखील वाचा-