RCB Vs CSK Probable XI: बंगळुरूला पुन्हा हरवण्यासाठी चेन्नईचा संघ उतरणार मैदानात, पाहा दोन्ही संघाची संभाव्य प्लेईंग इलेव्हन

IPL 2022: यंदाच्या हंगामात चेन्नई आणि आरसीबी दुसऱ्यांदा आमने-सामने येत आहेत. पहिल्या सामन्यात चेन्नईच्या संघानं विजय मिळवला. आजच्या सामन्यात कोणता संघ बाजी मारणार? याकडं सर्वांचं लक्ष लागलं आहे. 

(Photo Credit: Twitter)

RCB Vs CSK Probable XI: पुण्याच्या (Pune)  महाराष्ट्र क्रिकेट असोसिएशन स्टेडियमवर (Maharashtra Cricket Association Stadium) रॉयल चॅलेंजर्स बंगळुरू आणि चेन्नई सुपर किंग्ज (Royal Challengers Bangalore Vs Chennai Super Kings) यांच्यात आज आयपीएल 2022 चा 49 वा सामना खेळणार आहे. चेन्नईच्या संघानं आतापर्यंत नऊ सामन्यांपैकी तीन सामन्यात विजय मिळवला आहे. तर, आरसीबीला दहा पैकी पाच सामन्यात यश मिळालं आहे. तर, पाच सामन्यात पराभवाचा सामना करावा लागला. प्लेऑफच्या शर्यतीतील आव्हान कायम ठेवण्यासाठी दोन्ही संघाला विजय मिळवणं गरजेचं आहे. यंदाच्या हंगामात चेन्नई आणि आरसीबी दुसऱ्यांदा आमने-सामने येत आहेत. पहिल्या सामन्यात चेन्नईच्या संघानं विजय मिळवला. आजच्या सामन्यात कोणता संघ बाजी मारणार? याकडं सर्वांचं लक्ष लागलं आहे. 

हेड टू हेड रेकॉर्ड
आयपीएलमध्ये आजवर चेन्नई सुपरकिंग्स आणि रॉयल चँलेजर्स बंगळुरु (CSK vs RCB) हे संघ तब्बल 29 वेळा एकमेंकाविरुद्ध मैदानात उतरले आहेत. या सर्व सामन्यांचा विचार करता चेन्नईचं पारडं जड राहिलं आहे. त्यांनी 19 सामन्यात विजय मिळवला आहे. तर बंगळुरुने नऊ सामने जिंकण्यात यश मिळवलं आहे. याशिवाय एक सामना अनिर्णीत राहिला आहे.

आरसीबी संभाव्य इलेव्हन: 
विराट कोहली, फाफ डू प्लेसिस (कर्णधार), रजत पाटीदार, ग्लेन मॅक्सवेल, दिनेश कार्तिक (विकेटकिपर), शाहबाज अहमद, महिपाल लोमरोर, वानिंदू हसरंगा, हर्षल पटेल, मोहम्मद सिराज आणि जोश हेजलवूड.

सीएसके संभाव्य इलेव्हन: 
ऋतुराज गायकवाड, डेव्हॉन कॉनवे, रॉबिन उथप्पा, अंबाती रायुडू, एमएस धोनी (कर्णधार, विकेटकिपर), रवींद्र जडेजा, ड्वेन ब्राव्हो/मिचेल सँटनर, ड्वेन प्रिटोरियस, महेश थेक्षाना, सिमरजीत सिंग, मुकेश चौधरी.

आयपीएल 2022 गुणतालिका
आयपीएलच्या गुणतालिकेत गुजरातचा संघ अव्वल स्थानी आहेत. गुजरातनं दहा पैकी आठ सामन्यात विजय मिळवून 16 गुण प्राप्त केले आहेत. तर, 14 गुणांसह लखनौचा संघ दुसऱ्या क्रमांकावर आहे. त्यानंतर राजस्थान रॉयल्सचा क्रमांक लागतो. राजस्थानचे 12 गुण आहेत. तर, चौथ्या स्थानावर असलेल्या हैदाबादच्या संघाचे 10 गुण आहेत. याशिवाय, पंजाब किंग्ज पाचव्या क्रमांकावर, आरसीबी सहाव्या क्रमांकावर, दिल्ली कॅपिटल्स सातव्या क्रमांकावर, कोलकाता नाईट रायडर्स आठव्या क्रमांकावर, चेन्नई सुपरकिंग्ज नवव्या क्रमांकावर आणि मुंबई इंडियन्सचा संघ गुणतालिकेत तळाशी म्हणजेच दहाव्या क्रमांकावर आहे. 

हे देखील वाचा-

• IPL 2022: लियाम लिव्हिंगस्टोननं मोहम्मद शामीचा चेंडू स्टेडियमबाहेर पाठवला, ठोकला आयपीएलमधील सर्वात लांब षटकार