T20 World Cup 2024 कामरान अकमलने शीख धर्मावर केलं वादग्रस्त विधान; हरभजन सिंग संतापला, तुला लाज वाटली पाहिजे...
T20 World Cup 2024: कामरान अकमलने भारतीय वेगवान गोलंदाज अर्शदीप सिंगबद्दल बोलताना हे वादग्रस्त विधान केले.
T20 World Cup 2024 Harbhajan Singh On Kamran Akmal: पाकिस्तानचे अनेक क्रिकेटपटू वादग्रस्त विधानामुळे कायम चर्चेत असतात. आता पाकिस्तान संघाचा माजी यष्टीरक्षक फलंदाज कामरान अकमलने (Kamran Akmal) शीख धर्मावर वादग्रस्त विधान केले आहे. वास्तविक, अकमलने लाइव्ह टीव्हीवर शीख धर्माची खिल्ली उडवण्याचा प्रयत्न केला, जे पाहून भारताचा माजी फिरकीपटू हरभजन सिंग संतापला. कामरान अकमलने भारतीय वेगवान गोलंदाज अर्शदीप सिंगबद्दल बोलताना हे वादग्रस्त विधान केले.
हरभजन सिंग काय म्हणाला?
लाइव्ह टीव्हीवर बसून अकमलने अर्शदीप आणि शीख धर्माबद्दल अशा चुकीच्या गोष्टी बोलल्या ज्या इथे लिहिणे शक्य नाही. त्याचा हा व्हिडिओ वेगाने व्हायरल होत आहे. अकमलचा व्हिडीओ शेअर करताना हरभजन सिंगने लिहिले, तुला लाज वाटली पाहिजे...कामरान अकमल...तोंड उघडण्यापूर्वी शीखांचा इतिहास जाणून घ्या...आम्ही शीखांनी तुमच्या आई बहिणींना घुसखोरांपासून वाचवले तेव्हा 12 वाजले होते. स्वतःची लाज वाटली पाहिजे.
Lakh di laanat tere Kamraan Akhmal.. You should know the history of sikhs before u open ur filthy mouth. We Sikhs saved ur mothers and sisters when they were abducted by invaders, the time invariably was 12 o’clock . Shame on you guys.. Have some Gratitude @KamiAkmal23 😡😡🤬 https://t.co/5gim7hOb6f
— Harbhajan Turbanator (@harbhajan_singh) June 10, 2024
कामरानने मागितली माफी-
हरभजन सिंगच्या टीकेनंतर कामरान अकमलने शीख समुदायाची माफी मागितली. मला खरोखर दुखावण्याचा हेतू नव्हता, असं अकमल म्हणाला.
I deeply regret my recent comments and sincerely apologize to @harbhajan_singh and the Sikh community. My words were inappropriate and disrespectful. I have the utmost respect for Sikhs all over the world and never intended to hurt anyone. I am truly sorry. #Respect #Apology
— Kamran Akmal (@KamiAkmal23) June 10, 2024
अर्शदीप सिंगचा 20 व्या षटकात भेदक मारा-
तुम्हाला सांगूया की भारत आणि पाकिस्तान यांच्यात रविवारी 9 जून रोजी झालेल्या सामन्यात अर्शदीप सिंगने 20 वा चेंडू टाकला, ज्यामध्ये 18 धावांची गरज होती. पण, अर्शदीपने केवळ 11 धावा देत पाकिस्तानचा पराभव केला होता. भारतीय वेगवान गोलंदाजाने शेवटच्या षटकात काही अचूक यॉर्कर टाकले होते, ज्याचे पाकिस्तानी फलंदाजांकडे उत्तर नव्हते. शेवटच्या षटकात त्याने 1 विकेटही घेतली.
पाकिस्तानच्या अडचणी वाढल्या-
2024 च्या T20 विश्वचषक स्पर्धेत पाकिस्तानने आतापर्यंतचे दोन्ही सामने गमावले आहेत. प्रथम अमेरिकेकडून आणि नंतर भारताकडून पराभव पत्करावा लागला. सुपर-8 मध्ये जायचे असेल तर पुढील दोन सामने मोठ्या फरकाने जिंकावे लागतील. पाकिस्तानचं टेन्शन इथेच संपणार नाही, कारण कॅनडा आणि अमेरिका पुढील सर्व सामने पराभूत होतील, ही वाट त्यांना बघावी लागेल. पाकिस्तान आणि अमेरिका या दोघांचेही प्रत्येकी चार गुण झाल्यास नेट रनरेटनुसार निर्णय घेतला जाईल. तसेच अमेरिकेचा सामना पावसामुळे रद्द झाल्यास पाकिस्तान थेट विश्वचषकातून बाहेर जाईल. त्यामुळे सध्या बाबर आझमच्या नेतृत्वाखालील पाकिस्तान संघाच्या अडचणी वाढल्या आहेत.
संबंधित बातम्या:
महत्त्वाच्या बातम्या
