T20 WC : फायनलपूर्वी सँटनरची धमकी, अहमदाबादमध्ये 140 कोटी भारतीयांची धडधड वाढवणार
टी20 विश्वचषकाचा अंतिम सामना भारत आणि न्यूझीलंड यांच्यात रविवारी म्हणजे 8 मार्च रोजी अहमदाबादमध्ये होणार आहे. यापूर्वी न्यूझीलंडचा कर्णधार मिचेल सँटनरने 1.4 अब्ज भारतीयांची धडधड वाढवली होती.
IND vs NZ Final : टी20 विश्वचषकाचा अंतिम सामना भारत आणि न्यूझीलंड यांच्यात रविवारी म्हणजे 8 मार्च रोजी अहमदाबाद येथील नरेंद्र मोदी स्टेडियमवर होणार आहे. विजेतेपदाच्या सामन्यापूर्वी न्यूझीलंडचा कर्णधार मिचेल सँटनरने 1.4 अब्ज भारतीयांची धडधड वाढवली होती. 2023 च्या एकदिवसीय विश्वचषक अंतिम सामन्यात ऑस्ट्रेलियन कर्णधार पॅट कमिन्सने भारतीयांचे मन मोडले होते. आता न्यूझीलंडचा कर्णधार मिचेल सँटनरने सामन्यापूर्वी धमकी दिली आहे. तो नेमकं काय म्हणाला ते पाहुयात.
गेल्या एकदिवसीय विश्वचषकाचा अंतिम सामना अहमदाबादच्या नरेंद्र मोदी स्टेडियमवरही खेळवण्यात आला होता. जिथे टीम इंडिया ऑस्ट्रेलियाकडून पराभूत झाली होती. आता, 2026 चा टी 20 विश्वचषक अंतिम सामनाही त्याच स्टेडियमवर खेळवला जाईल. विजेतेपदाच्या सामन्यापूर्वी, किवी कर्णधार सँटनरने असे काय म्हटले ज्यामुळे भारतीय चाहते दु:खी झाले आहेत.
हृदय तोडण्यास मागेपुढे पाहणार नाही
पत्रकार परिषदेत बोलताना मिचेल सँटनर म्हणाला की, टी 20 विश्वचषक जिंकण्यासाठी आम्ही काही हृदय तोडण्यास मागेपुढे पाहणार नाही. म्हणजे सँटनरला असं म्हणायचं आहे की टी 20 विश्वचषक ट्रॉफी जिंकण्यासाठी तो भारतीय चाहत्यांचे मन मोडण्यास मागेपुढे पाहणार नाही.
न्यूझीलंडचा अंतिम फेरीपर्यंतचा प्रवास
न्यूझीलंडने गट टप्प्यात चारपैकी तीन सामने जिंकून सुपर 8 मध्ये प्रवेश केला. संघाला दक्षिण आफ्रिकेविरुद्ध एकमेव पराभव पत्करावा लागला. त्यानंतर, संघाने फक्त एका विजयासह उपांत्य फेरी गाठली. किवीज संघाचा पहिला सुपर 8 सामना पाकिस्तानविरुद्ध पावसामुळे वाया गेला. त्यानंतर न्यूझीलंडने त्यांचा पुढचा सामना श्रीलंकेविरुद्ध 61 धावांनी जिंकला. त्यांना इंग्लंडविरुद्धचा शेवटचा सुपर 8 सामना 4 विकेट्सने हरवला. फक्त एक विजय आणि उच्च नेट रन रेटमुळे संघ उपांत्य फेरीत पोहोचला.
उपांत्य फेरीत न्यूझीलंडचा सामना दक्षिण आफ्रिकेशी झाला. किवीज संघाने सामन्यात 9 विकेट्सने एकतर्फी विजय मिळवत अंतिम फेरीत स्थान निश्चित केले. त्याच दक्षिण आफ्रिकेविरुद्ध, त्यांना गट टप्प्यात दारुण पराभव पत्करावा लागला होता. आता अंतिम फेरीत भारताविरुद्ध न्यूझीलंड संघ कशी कामगिरी करतो हे पाहणे मनोरंजक असेल.
गोलंदाजीमुळे भारताची चिंता वाढली
भारत अंतिम फेरीत पोहोचला, परंतु या सामन्यात संघाच्या गोलंदाजीवर बराच दबाव आला. पुन्हा एकदा सामना सांभाळण्याची जबाबदारी जसप्रीत बुमराहवर आली. बुमराहने 4 षटकांत 33 धावा देत 1 बळी घेतला आणि तो भारताचा सर्वात किफायतशीर गोलंदाज होता. त्याच्या अचूक यॉर्कर्सने, विशेषतः डेथ ओव्हर्समध्ये, इंग्लंडचा धावगती कमी केली.
महत्त्वाच्या बातम्या
