प्रेरणादायी... मोदींच्या भेटीनंतर सूर्याचं 7 वर्षांपूर्वीचं ट्विट व्हायरल; तेव्हाची इच्छा, आज इच्छापूर्ती
वेस्टइंडिजच्या बारबुडा स्टेडियमवर झालेल्या टी-20 विश्वचषकाच्या अंत्यंत चुरशीच्या सामन्यात भारताने द. आफ्रिकेविरुद्ध 7 धावांनी विजय मिळवला. या सामन्यात शेवटच्या 3-4 षटकांत अत्यंत रोमहर्षक लढत झाली
मुंबई : वेस्ट इंडिजच्या जमिनीवर भारताचा तिरंगा दिमाखात उभारल्यानंतर टीम इंडियाचं (Team India) आज मायदेशी आगमन झालं आहे. टीम इंडियाचे आज राजधानी दिल्ली विमानतळावर जल्लोषात स्वागत झाले. त्यानंतर, पंतप्रधान नरेंद्र मोदींसमवेत (Narendra Modi) कर्णधार रोहित शर्मा आणि प्रशिक्षक राहुल द्रविडच्या नेतृत्वात भारतीय संघाने तब्बल दीड तास चर्चा केली. या भेटीत सर्वच खेळाडूंशी मोदींनी वन टू वन संवाद साधला. तर, खेळाडूंच्या कुटुंबीयांसमवेतही फोटोशूट केलं. टीम इंडियाचा आक्रमक फलंदाज आणि टी-20 विश्वचषकात घेतलेल्या अफलातून झेलमुळे सर्वांचेच आकर्षण ठरलेला सूर्यकुमार यादवनेही (Suryakumar yadav) पंतप्रधान नरेंद्र मोदींसोबत फोटो काढला. मात्र, सूर्या आणि मोदींच्या या फोटोनंतर सूर्याचं 7 वर्षांपूर्वीचं जुनं ट्विट व्हायरल होत आहे.
वेस्टइंडिजच्या बारबुडा स्टेडियमवर झालेल्या टी-20 विश्वचषकाच्या अंत्यंत चुरशीच्या सामन्यात भारताने द. आफ्रिकेविरुद्ध 7 धावांनी विजय मिळवला. या सामन्यात शेवटच्या 3-4 षटकांत अत्यंत रोमहर्षक लढत झाली. द. आफ्रिकेला शेवटच्या षटकात विजयासाठी 16 धावांची गरज होती. त्यावेळी, मैदानावर असलेल्या मिलरने पहिल्याच चेंडूवर उत्तुंग शॉट मारला होता. सीमारेषेकडे जाणारा हा चेंडू पाहून आता षटकार गेला, अशीच भावना भारतीयांची झाली होती. मात्र, चित्रपटात अचानक हिरोची एंट्री व्हावी, तशी सूर्यकुमार यादवची सीमारेषेवर एंट्री झाली अन् सूर्याने अफलातून झेल पकडून भारतीय संघाला विजयाच्या काठावर पोहोचले. सूर्याच्या झेलचा व्हिडिओही व्हायरल झाला. त्यानंतर, या या झेलवरुन बराच वादही झाला. मात्र, भारतीय संघाच्या विजयात शेवटच्या क्षणी सूर्याने टिपलेला झेला अविस्मरणीय आणि ऐतिहासिक ठरला. आज, टीम इंडियासमवेत सूर्याने पत्नीसह पंतप्रधान नरेंद्र मोदींची भेट घेतली. सूर्या-मोदीच्या या भेटीनंतर सूर्याचं 7 वर्षांपूर्वीचं 28 जुलै 2017 रोजीचं ट्विट व्हायरल झालं आहे.
Honoured to have met our esteemed Prime Minister, as World Champions 🇮🇳🥇
— Surya Kumar Yadav (@surya_14kumar) July 4, 2024
Sir, your words of appreciation, motivation and pride gave us inspiration to continue to do better, to keep our flag soaring high 🇮🇳 pic.twitter.com/zF1W4RHNeR
सूर्याने 28 जुलै 2017 रोजी सायंकाळी 6.18 मिनिटांनी एक ट्विट केलं होतं. त्यामध्ये, स्वच्छ भारत मिशनचं कौतुक करत पंतप्रधान नरेंद्र मोदींच्या फोटोसमवेत हाती ग्रीन सीटी, क्लीन सीटीचा फलक घेऊन सूर्यकुमार यादव दिसत आहे. भारत सरकारने मोदींच्या नेतृत्त्वात घेतलेल्या स्वच्छ भारत मिशनबद्दल सूर्याने पंतप्रधान नरेंद्र मोदींचे आभार मानले होते. तसेच, भविष्यात संधी मिळाल्यास मी आपणसमवेत खरा सेल्फी घेईन, लकी ठरेल, असे मिश्कील ट्विट सूर्याने केले होते. आता, तब्बल 7 वर्षांनी टीम इंडियाच्या आणि स्वत:च्या कामगिरीच्या जोरावर पंतप्रधानांनी टीम इंडियाला विशेष निमंत्रण दिले होते. मोदींसमवेतच्या आजच्या भेटीवर सर्वच भारतीय खेळाडूंनी आनंद व्यक्त केला आहे. त्यामध्ये, सूर्याही मागे नाही. सूर्यानेही ट्विटरवरुन मोदींसोबतच्या भेटीचा फोटो शेअर केला आहे.
Worth the wait for Suryakumar Yadav.#SuryakumarYadav #T20WC2024 #Champions pic.twitter.com/2SiyQG6Hwv
— CricTracker (@Cricketracker) July 4, 2024
सूर्याचा जुना फोटो व्हायरल
दरम्यान, सूर्याने मोदींसमवेतच्या भेटीचा फोटो शेअर केल्यानंतर अनेक ट्विटर हँडलवरुन सूर्याचा जुना 7 वर्षांपूर्वीचा फोटो व्हायरल झाला आहे. सूर्याची इच्छापूर्ती झाली, स्वप्नपूर्ती झाली.. असे म्हणत काहींना हा फोटो ट्विट केलाय. तर, काहींनी हा फोटो ट्विट करताना सूर्याने घेतलेल्या परिश्रम आणि मेहनतीने हा प्रेरणादायी फोटो असल्याचं म्हटलं आहे. दरम्यान, यापूर्वी एकदिवसी विश्वचषक स्पर्धेनंतरही मोदींनी टीम इंडियाची भेट घेतली होती, त्यावेळी भारताला पराभवाचा सामना करावा लागला. तेव्हाही सूर्याने मोदींनी ड्रेसिंग रुमला दिलेल्या भेटीबाबत ट्विट केलं होतं.
Dreams do come true 🎯🏆🏆 pic.twitter.com/Jkp7pLCHHE
— Motivational Affair (@Motivational005) July 4, 2024
महत्त्वाच्या बातम्या
ट्रेंडिंग न्यूज
