लॉकडाऊनमध्ये सचिनच्या हातात बॅट नाही तर कात्री!

नेहमीच बॅट हातात असणाऱ्या मास्टर ब्लास्टर सचिन तेंडुलकरच्या हातात चाहत्यांना पहिल्यांदाच कात्री दिसली आहे.

फोटो सौजन्य - सचिन इस्टाग्राम अडाउंट

मुंबई : कोरोना व्हायरसचा प्रादुर्भाव वाढू नये म्हणून संपूर्ण देशात लॉकडाऊनची परिस्थिती ओढावली आहे. या काळात सेलिब्रेटींपासून सर्वसामान्यांपर्यंत सर्वच घरात बसून आहेत. या लॉकडाऊनमुळे दैनदिन कामेही खोळंबली आहेत. मास्टर ब्लास्टर सचिन तेंडुलकरही सरकार आणि प्रशासनाच्या आवाहनाला प्रतिसाद देताना पाहायला मिळत आहे. सचिनच्या हातात नेहमी आपण बॅट पाहिली आहे. मात्र, या लॉकडाऊनच्या काळात त्याने कात्री घेत स्वतःचेच केस कापले आहेत. याचे मजेशीर फोटो सचिनने आपल्या इस्टाग्रामवर शेअर केले आहेत.

View this post on Instagram

 

From playing square cuts ???? to doing my own hair cuts ????????‍♂️, have always enjoyed doing different things. ‪How’s my new hairdo ????????‍♂️ looking @aalimhakim & @nandan_v_naik? ????

A post shared by Sachin Tendulkar (@sachintendulkar) on Apr 19, 2020 at 4:59am PDT

सचिन तेंडुलकरच्या हातात बॅट पाहणे प्रत्येकाच्या जिव्हाळ्याचा विषय आहे. नुकतेच मुंबईत एका चॅरिटीसाठी सचिन क्रिकेटच्या मैदानात दिसला होता. याव्यतिरिक्त सचिन एफवन रेसिंग स्पर्धेतही भाग घेताना दिसला आहे. मात्र, सचिनच्या हातात कात्री पाहण्याचा योग अद्याप तरी त्याच्या चाहत्यांना आला नसावा. केस कापतानाचे सर्व फोटो सचिनने आपल्या इंस्टावर पोस्ट केले आहेत. आयपीएलसह अनेक क्रिकेटच्या मॅच पुढे ढकलल्याने सर्वच खेळाडू आपापल्या घरात बंदिस्त आहेत. खेळाची मैदान आणि बॉलिवूडचे काम सर्वच बंद असल्यामुळे भारतीय संघाचा कर्णधार विराट कोहली-अनुष्का शर्मा ही जोडीही लॉकऊनच्या दरम्यान घरातच आहे. काही दिवसांपूर्वी त्यांनीही असाच केस कापतानाचा व्हिडीओ शेअर केला होता.

View this post on Instagram

 

Meanwhile, in quarantine.. ????????‍♂????????‍♀

A post shared by AnushkaSharma1588 (@anushkasharma) on Mar 27, 2020 at 9:59pm PDT

मात्र, विराटचे केस त्याने न कापता अनुष्काने कापले आहेत. कोरोनामुळे आयपीएल होणार की नाही यावर संभ्रम निर्माण झाला असला अनुष्काने शेअर केलेल्या व्हिडिओत विराट एका नव्या लूकमध्ये दिसला आहे. विराटच्या हेअर स्टाइलसाठी सर्व मेहनतही खुद्द अनुष्काने घेतल्याचे दिसते. यापूर्वी अनुष्का-विराट जोडीनं कोरोनाच्या पार्श्वभूमीवर लॉकडाऊनला सकारात्मक प्रतिसाद द्या, असे आवाहन चाहत्यांना केले होते. त्या व्हिडिओला देखील चांगली पंसती मिळाली होती. Nashik PPE Kit | नाशिकमध्ये तरुण उद्योजकाकडून दिवसाला 2 हजार पीपीई किटची निर्मिती