आचरेकर सरांना निरोप देताना सचिनला अश्रू अनावर!

रमाकांत आचरेकर सरांच्या कर्तृत्वाचा कदाचित सरकारला विसरला पडला आहे. कारण पद्म पुरस्कार विजेत्या आचरेकर सरांच्या पार्थिवावर शासकीय इतमामात अंत्यसंस्कार झाले नाहीत. त्यामुळे क्रिकेटरसिकांमध्ये नाराजी पसरली आहे.

आचरेकर सरांना निरोप देण्यासाठी सचिन तेंडुलकर सकाळपासून तिथेच उपस्थित आहे. त्याच्यासह अनेक नामवंत व्यक्ती अंत्यविधीला उपस्थित होता.

रमाकांत आचरेकर यांचं बुधवारी (2 जानेवारी) मुंबईत हृदयविकाराच्या झटक्याने निधन झालं. ते 87 वर्षांचे होते. त्यांच्यावर आज दादरच्या शिवाजी पार्क स्मशानभूमीत अंत्यसंस्कार करण्यात आले.

आचरेकर सरांना अखेरचा निरोप देताना सचिनच्या अश्रूंचा बांध फुटला.

सरांच्या अंत्यसंस्कारावेळी सचिन तेंडुलकर अतिशय भावुक झालेला दिसला.

सचिन तेंडुलकरचे गुरु आणि असंख्य नामवंत क्रिकेटपटू घडवणारे प्रशिक्षक रमाकांत आचरेकर यांच्यावर आज अंत्यसंस्कार करण्यात आले.