एक्स्प्लोर

CSK vs GT IPL 2023 Final : चेन्नईनं पाचव्यांदा कोरलं चॅम्पियन्स ट्रॉफीवर नाव, जडेजाचा विजयी चौकार पाहून धोनीही भावूक

CSK Won Against GT, IPL 2023 Final : आयपीएल 2023 च्या अंतिम सामन्यात चेन्नई सुपर किंग्सनं (CSK) गुजरात टायटन्सचा (GT) पराभव केला. चेन्नई आयपीएल 2023 चा महाविजेता ठरला आहे.

By : एबीपी माझा स्पोर्ट्स डेस्क | Updated at : 30 May 2023 03:15 PM (IST)

CSK IPL 2023 Champion | IPL 2023 Final CSK vs GT

1/12

कणर्धार धोनीचा संघ पाचव्यांदा इंडियन प्रीमियर लीग चॅम्पियन ठरला आहे. चेन्नईला विजयासाठी 171 धावांचं आव्हान होतं.

2/12

जडेजाने शेवटच्या शतकात कमाल खेळी करत संघाला विजय मिळवून दिला. शेवटच्या दोन चेंडून 10 धावांची गरज असताना जडेजाने एक षटकार ठोकला आणि त्यानंतर चौकार ठोकत चेन्नईला विजय मिळवून दिला.

3/12

जडेजाचा विजयी चौकार पाहून धोनीही भावूक झाल्याचं पाहायला मिळालं. विजयानंतर धोनीनं जडेजाला घट्ट मिठी मारली. यावेळी धोनीनं डोळं मिटून घेत डोळ्यात साचलेले अश्रू अडवण्याचा प्रयत्न केला.

4/12

चेन्नई आणि गुजरातच्या सामन्यात आजही पावसाने ख्वाडा घातला. त्यामुळे जवळपास तीन तासांचा खेळ वाया गेला. पंचांनी दोन ते तीन वेळा खेळपट्टीची पाहणी केली. त्यानंतर सामना खेळवण्याचा निर्णय घेतला.

5/12

12.10 वाजता सामन्याला सुरुवात झाली. गुजरातनं 20 षटकांत 214 धावा केल्या. पावसामुळे सामन्यात व्यत्यय आल्यामुळे डकवर्थ लुईस नियमांनुसार, चेन्नईला नवीन टार्गेट देण्यात आलं.

6/12

चेन्नईला 171 धावांचं आव्हान देण्यात आलं आणि सुपर किंग्सने शेवटच्या चेंडूवर विजय मिळवला.

7/12

साई सुदर्शन याच्या झंझावाती 96 धावांच्या बळावर गुजरातने निर्धारित 20 षटकात चार विकेटच्या मोबद्लयात 214 धावांपर्यंत मजल मारली. साई सुदर्शनशिवाय वृद्धीमान साहा याने 54 धावांचे योगदान दिले.

8/12

चेन्नईकडून मथिशा पथीराना याने सर्वाधिक दोन विकेट घेतल्या. चेन्नईला विजयासाठी 215 धावांचे आव्हान आहे.

9/12

पण सामन्याला पुन्हा एकदा पावसानं हजेरी लावल्यानं डकवर्थ लुईस नियमांनुसार, चेन्नईला विजयासाठी 15 षटकात 171 धावांचे आव्हान देण्यात आलं होतं. रोमांचक अशा अंतिम सामन्यात चेन्नईनं शेवटच्या चेंडूवर विजय मिळवला.

10/12

चेन्नई संघाला विजयासाठी शेवटच्या षटकात 13 धावांची गरज होती. गुजरातकडून शेवटच्या षटकात गोलंदाजीची जबाबदारी मोहित शर्माकडे सोपवण्यात आली होती.

11/12

मोहितने पहिल्या चेंडूवर एकही धाव दिली नाही. यानंतर शेवटच्या षटकाच्या दुसऱ्या चेंडूवर फक्त चेन्नईला फक्त एक धाव काढता आली. त्यानंतर चेन्नईला 4 चेंडूत 12 धावांची गरज होती.

12/12

तिसऱ्या आणि चौथ्या चेंडूवर एक-एक धावा मिळाली. त्यानंतर पाचव्या चेंडूवर जडेजाने शानदार षटकार ठोकला आणि शेवटच्या चेंडूवर दमदार चौकार ठोकत चेन्नईनं अंतिम सामना जिंकला.

Published at : 30 May 2023 03:15 PM (IST)

Tags :