एक्स्प्लोर

मुंबई इंडियन्सकडून सर्वाधिक षटकार कोणी मारले?; 4 खेळाडू अजूनही संघात

Mumbai Indians: आतापर्यंत मुंबईला आयपीएलमध्ये चॅम्पियन बनवण्यात गोलंदाजांनी महत्त्वाची भूमिका बजावली आहे. पण संघाचे फलंदाजांनाही मोलाची भूमिका बजावलेली आहे.

By : मुकेश चव्हाण | Updated at : 13 Apr 2024 10:09 AM (IST)

Mumbai Indians

1/7

मुंबई इंडियन्सने 5 वेळा आयपीएलचं विजेतेपद पटकावलं आहे. आतापर्यंत मुंबईला आयपीएलमध्ये चॅम्पियन बनवण्यात गोलंदाजांनी महत्त्वाची भूमिका बजावली आहे. पण संघाचे फलंदाजांनाही मोलाची भूमिका बजावलेली आहे. (Photo Credit- IPL)

2/7

इशान किशनने रॉयल चॅलेंजर्स बंगळुरूविरुद्धच्या सामन्यात मुंबई इंडियन्ससाठी 100 षटकार पूर्ण केले. इशानने 2018 मध्ये मुंबईसाठी पदार्पण केले. तेव्हापासून तो संघाचा एक भाग आहे. या निमित्ताने आम्ही तुम्हाला मुंबई इंडियन्ससाठी आयपीएलमध्ये सर्वाधिक षटकार ठोकणाऱ्या टॉप-5 फलंदाजांबद्दल माहिती देणार आहोत. (Photo Credit- IPL)

3/7

किरॉन पोलार्ड- 223 षटकार- किरॉन पोलार्ड हा मुंबई इंडियन्स संघाचा अविभाज्य भाग आहे. मुंबईने त्याला रिलीज केल्यानंतर पोलार्डने आयपीएलमधून निवृत्ती घेतली. तो आयपीएलमध्ये केवळ एकाच संघाकडून खेळला आहे. पोलार्डने मुंबईसाठी 189 सामन्यात 223 षटकार मारले आहेत. आयपीएलमध्ये त्याच्या नावावर 3000 हून अधिक धावा आहेत.(Photo Credit- IPL)

4/7

रोहित शर्मा- 216 षटकार- मुंबई इंडियन्सला 5 वेळा चॅम्पियन बनवणारा कर्णधार रोहित शर्मा या यादीत दुसऱ्या स्थानावर आहे. रोहितने 2011 मध्ये मुंबईसाठी पदार्पण केले होते. तेव्हापासून त्याने फ्रँचायझीसाठी 216 षटकार ठोकले आहेत. (Photo Credit- IPL)

5/7

हार्दिक पांड्या- 104 षटकार- हार्दिक पांड्याने या हंगामात मुंबई इंडियन्ससाठी 100 षटकारही पूर्ण केले आहेत. त्याने आरसीबीविरुद्धच्या सामन्यात षटकार मारून मुंबईला विजय मिळवून दिला. त्याने 6 चेंडूंच्या खेळीत 3 षटकार ठोकले. कर्णधार हार्दिकच्या नावावर मुंबई इंडियन्सकडून 97 आयपीएल सामन्यांमध्ये 104 षटकार आहेत.(Photo Credit- IPL)

6/7

इशान किशन- 103 षटकार- युवा यष्टिरक्षक फलंदाज इशान किशनने मुंबई इंडियन्ससाठी 103 षटकार ठोकले आहेत. 2018 पासून फ्रँचायझीसाठी खेळत असलेल्या इशानने आरसीबीविरुद्धच्या सामन्यात 5 षटकार ठोकले. आतापर्यंत त्याने फ्रँचायझीसाठी एकूण 80 सामने खेळले आहेत.(Photo Credit- IPL)

7/7

सूर्यकुमार यादव- 95 षटकार-सूर्यकुमार यादव आणि इशान किशन यांनी गेल्या मोसमापर्यंत मुंबईसाठी समान षटकार ठोकले होते. पण सूर्याला या मोसमात फक्त दोनच सामने खेळता आले आहे. आरसीबीविरुद्ध स्फोटक फलंदाजी करताना त्याने 17 चेंडूत अर्धशतक ठोकले. त्याने या डावात 4 षटकार मारले आणि मुंबई इंडियन्ससाठी आयपीएलमधील 87 सामन्यांत त्याने 95 षटकार ठोकले.(Photo Credit- IPL)

Published at : 13 Apr 2024 10:09 AM (IST)

Tags :

Mumbai Indians Hardik Pandya Ishan Kishan IPL Suryakumar Yadav ROHIT SHARMA IPL 2024