Tim Southee : कारकिर्दीतील शेवटची कसोटी खेळणाऱ्या गोलंदाज टीम साऊथीनं केला षटकारांचा भीम पराक्रम; थेट गेलची बरोबरी, कॅलिसला पछाडले!
Tim Southee : कारकिर्दीतील शेवटचा सामना इंग्लंडविरुद्ध खेळत असलेल्या साऊथीने शेवटच्या कसोटीच्या पहिल्या डावात 3 षटकार मारल्यानंतर टीम साऊदीने अनेक दिग्गजांना मागे टाकले.
हॅमिल्टन : जगात असे फार कमी क्रिकेटपटू आहेत ज्यांना आपल्या देशासाठी 100 किंवा त्याहून अधिक कसोटी सामने खेळायला मिळतात. रेड बॉल फॉरमॅटमध्ये प्रदीर्घ कारकीर्दीनंतर जेव्हा एखादा खेळाडू निवृत्ती घेतो तेव्हा तो त्याच्यासाठी भावनिक क्षण असतो. न्यूझीलंडचा दिग्गज वेगवान गोलंदाज टिम साऊथीने कसोटी क्रिकेटमध्ये शेवटच्या वेळी किवी संघासाठी मैदानात उतरल्यावर आज (14 डिसेंबर) असेच काहीसे पाहायला मिळाले.
A moment to cherish forever 🫶#TimSouthee walks out for his final Test with his daughter as Seddon Park applauds the Kiwi pacer 👏👨👧#SonySportsNetwork #NZvENG #ThankYouTim pic.twitter.com/fYDgHQm4Ls
— Sony Sports Network (@SonySportsNetwk) December 14, 2024
इंग्लंडविरुद्ध हॅमिल्टन येथे खेळल्या जाणाऱ्या तिसऱ्या कसोटी सामन्यात टीम साऊथी शेवटची गोलंदाजी करताना दिसणार आहे. साऊथी जेव्हा कसोटी क्रिकेटच्या मैदानावर उतरत होता तेव्हा त्याच्या चेहऱ्यावर निराशा स्पष्ट दिसत होती. सौदीच्या निवृत्तीच्या निमित्ताने त्यांचे कुटुंबीयही मैदानावर उपस्थित होते. आपल्या लाडक्या मुलीला कडेवर घेऊन तो मैदानात उतरला. या वेळी सर्व सहकारी त्याच्या मागे राहिले आणि साऊथीनेने पुढाकार घेत मैदानात पाऊल ठेवले.
शेवटच्या कसोटीत मोठा पराक्रम
कारकिर्दीतील शेवटचा सामना इंग्लंडविरुद्ध खेळत असलेल्या साऊथीने शेवटच्या कसोटीच्या पहिल्या डावात 3 षटकार मारल्यानंतर टीम साऊदीने अनेक दिग्गजांना मागे टाकले. साऊथीच्या नावावर आता कसोटीत 98 षटकार आहेत आणि या यादीत तो चौथ्या क्रमांकावर आला आहे. त्याच्यानंतर ख्रिस गेल आणि जॅक कॅलिसचे नाव आहे. या यादीत रोहित शर्मा, वीरेंद्र सेहवाग, अँजेलो मॅथ्यूज, ब्रायन लारासारखे दिग्गज साऊथीच्या मागे आहेत.
9️⃣8️⃣* Test Sixes 💥
— Sony Sports Network (@SonySportsNetwk) December 14, 2024
Playing his last Test, #TimSouthee equals the Universe Boss #ChrisGayle, for the 4th most sixes in Test cricket 🔥 😲#SonySportsNetwork #NZvENG pic.twitter.com/aUL16ynOwU
कसोटी क्रिकेटमध्ये सर्वाधिक षटकार ठोकणारे खेळाडू
- बेन स्टोक्स - 133 षटकार
- ब्रेंडन मॅक्युलम - 107 षटकार
- ॲडम गिलख्रिस्ट - 100 षटकार
- टीम साऊदी – 98 षटकार
- ख्रिस गेल – 98 षटकार
- जॅक कॅलिस – 97 षटकार
टीम साऊथी हा जगातील सर्वोत्तम वेगवान गोलंदाजांपैकी एक
इंग्लंड आणि न्यूझीलंड यांच्यात खेळल्या जात असलेल्या तिसऱ्या आणि शेवटच्या कसोटी सामन्यात न्यूझीलंडने पहिल्या दिवसाचा खेळ संपेपर्यंत 9 गडी गमावत 315 धावा केल्या आहेत. 10व्या क्रमांकावर फलंदाजीला आलेल्या टीम साऊथीने फलंदाजी करत कमाल केली. त्याने 10 चेंडूत 3 षटकार आणि 1 चौकारासह 21 धावा केल्या. टीम साऊथी हा जगातील सर्वोत्तम वेगवान गोलंदाजांपैकी एक आहे. 2008 मध्ये न्यूझीलंडकडून करिअरला सुरुवात केली होती. या 16 वर्षांत साऊथीने क्रिकेटच्या तिन्ही फॉरमॅटमध्ये आपल्या दमदार खेळाने खूप धमाल केली. त्याने न्यूझीलंडसाठी 107 कसोटी, 161 एकदिवसीय आणि 125 टी-20 सामने खेळले आहेत. कसोटी क्रिकेटबद्दल बोलायचे झाले तर टीम न्यूझीलंडकडून 389 विकेट घेतल्या. याशिवाय या फॉरमॅटमध्ये आपल्या उत्कृष्ट फलंदाजीने सर्वांचे लक्ष वेधून घेतले. सौदीने कसोटीत 7 अर्धशतकांसह 2220 धावा केल्या आहेत. तर एकदिवसीय क्रिकेटमध्ये सौदीने 221 विकेट्स घेतल्या आणि टी-20 मध्ये 164 विकेट घेतल्या.
इतर महत्वाच्या बातम्या
महत्त्वाच्या बातम्या
