Team India : विराट ते हार्दिकसह यंग ब्रिगेडची बीचवर धमाल, बीसीसीआयकडून व्हिडीओ शेअर, रोहित कुठंय नेटकऱ्यांचा सवाल

Team India : आयसीसी टी20 वर्ल्ड कपमध्ये सुपर 8 मध्ये भारतानं प्रवेश केला आहे. भारतीय संघ सुपर 8 च्या सामन्यांसाठी बारबाडोसमध्ये दाखल झालाय.

Team India

भारतासह आठ संघांनी सुपर 8 मध्ये प्रवेश केला आहे. भारताची पहिली मॅच अफगाणिस्तान विरुद्ध होणार आहे. भारत आणि अफगाणिस्तान 20 जूनला आमने सामने येणार आहेत.

टीम इंडियाचे खेळाडू सध्या सुट्टीचा आनंद घेत आहेत. बाराबाडोसमध्ये पोहोचलेल्या टीम इंडियाला एक दिवसांची सु्ट्टी मिळाली आहे. यामध्ये विराट कोहलीपासून ते संजू सॅमसन पर्यंत खेळाडू धमाल करताना दिसून येत आहेत.

विराट कोहली, हार्दिक पांड्या, शिवम दुबे, संजू सॅमसन, युजवेंद्र चहल, रिंकू सिंग यांनी बीचवर व्हॉलीबॉल खेळण्याचा आनंद लुटला. अर्शदीप सिंग देखील यामध्ये सहभागी झाला होता.

विराट कोहलीला ग्रुप स्टेजमधील सामन्यांमध्ये यश आलं नसलं तरी व्हॉलीबॉल खेळताना विराट कोहली पूर्णपणे तणावरहीत दिसत होता.

टीम इंडियाच्या या खेळाडूंचा व्हिडीओ बीसीसीआयनं शेअर केलेला आहे.

विराट कोहली, रिंकू सिंग, हार्दिक पांड्या आणि यशस्वी जयस्वाल शर्टलेस होऊन व्हॉलीबॉल खेळत होते.

रिंकू सिंग राखीव खेळाडू म्हणून संघासोबत आहे.तर, यशस्वी जयस्वाल याला आतापर्यंत एकाही मॅचमध्ये खेळण्याची संधी मिळाली नव्हती.

बीसीसीआयनं शेअर केलेल्या व्हिडीओत रोहित शर्मा दिसत नसल्यानं नेटकऱ्यांनी प्रश्न उपस्थित केले.

संजू सॅमसन याला देखील एकाही मॅचमध्ये संधी मिळालेली नाही. तो देखील बीचवर फुटबॉल खेळण्यासाठी विराट कोहलीसह दाखल झाला होता.

शिवम दुबे यानं अमेरिकेविरुद्ध दमदार कामगिरी केली आहे.