Rohit Sharma : वर्ल्ड कप जिंकल्यानंतर पिचवरील मातीची चव का चाखली? रोहित शर्माचं मनं जिंकणारं उत्तर, म्हणाला...

Rohit Sharma : भारताचा कॅप्टन रोहित शर्मानं कपिल शर्मा शो मध्ये हजेरी लावली. यावेळी भारताचे इतर खेळाडू देखील सहभागी झाले होते.

रोहित शर्मा

भारताच्या एकदिवसीय आणि कसोटी संघाचा कॅप्टन रोहित शर्मा, टी 20 चा कॅप्टन सूर्यकुमार यादव, शिवम दुबे, अर्शदीप सिंग, अक्षर पटेल यांनी नेटफ्लिक्सवर प्रदर्शित होणाऱ्या कपिल शर्मा शोमध्ये हजेरी लावली.

रोहित शर्मानं टी 20 वर्ल्ड कप फायनल संदर्भातील अनेक गोष्टींवर भाष्य केलं. यावेळी कपिल शर्मानं रोहित शर्माला टी 20 वर्ल्ड कप जिंकल्यानंतर पिचवरील मातीची चव का चाखली असा प्रश्न विचारला.

रोहित शर्मानं यावर भाष्य केलं, आम्ही इतकी वर्ष कठोर मेहनत केली आहे. आम्ही त्या खेळपट्टीवर खेळतो, तिथून आम्हाला आनंद मिळतो, तिथूनचं आम्हाला दु:ख मिळतं, त्यामुळं अंतिम फेरीची मॅच जिंकल्यानंतर मातीची चव कशी असते हे पाहायचं होतं, असं रोहित शर्मानं म्हटलं.

कपिल शर्मानं आमचा शो तुमच्यासाठी लकी आहे असं वाटतं का असा प्रश्न विचारला. तुम्ही पहिल्यांदा आला होता त्यावेळी वर्ल्डकपचे उपविजेता होता. दुसऱ्यांदा आलाय त्यावेळी वर्ल्डकप विजेते आहात, असं कपिलनं विचारलं. रोहित शर्मानं यावर उत्तर देताना मी इथं आलो त्यामुळं तुमचा पहिला सीझनं एक नंबर झाला असं म्हणत कपिल शर्माची विकेट काढली.

रोहित शर्मानं भारताला वर्ल्ड कप जिंकवून दिल्यानंतर टी 20 क्रिकेटमधून निवृत्ती घेतली होती. आता भारताचं नेतृत्व सूर्यकुमार यादव करत आहे.