World Oldest Tortoise : जगातील सर्वात वयस्कर कासव, 190 व्या वाढदिवसाचा जल्लोष

World Oldest Tortoise Turns 190 Years : जोनाथन (Jonathan - Seychelles Giant Tortoise) हा पृथ्वीवरील सर्वात वृद्ध कासव आहे. हे कासव इतिहासाचा साक्षीदार आहे.

World Oldest Tortoise Jonathan

World Oldest Tortoise Birthday : जोनाथन (Jonathan Seychelles Giant Tortoise) हे पृथ्वीवरील सर्वात वृद्ध कासव असल्याची औपचारिक घोषणा आधीच करण्यात आली आहे. गिनीज बूक ऑफ वर्ल्ड रेकॉर्डमध्ये (Guinness World Records) या कासवाची नोंद आहे.

या कासवाचं वय 190 वर्ष आहे. हे कासव इतिहासाचा साक्षीदार आहे. हे कासव पृथ्वीवरील सर्वात वृद्ध असलेला जिवंत प्राणी आहे.

जोनाथन (Jonathan) दक्षिण अटंलांटिकमधील सेंल हेलेना येथे आपला 190 वा वाढदिवस साजरा करत आहे. याच्या वाढदिवसानिमित्त अनेक कार्यक्रमांचं आयोजन करण्यात आलं आहे. नेपोलियनच्या मृत्यूनंतर या कासवाचा जन्म झाला होता.

जोनाथन या कासवाच्या जन्माबाबत स्थानिक प्रशासनाकडे कोणतेही दस्ताऐवज उपलब्ध नाहीत. जोनाथनचं वय याहून अधिक असण्याचीही शक्यता आहे.

शास्त्रज्ञांनी कासवाच्या कवचावर केलेल्या संशोधनाच्या आधारे या कासवाचा जन्म 1832 मध्ये झाला असावा. जोनाथन हे सेंट हेलेनाच्या गव्हर्नरचे अधिकृत निवासस्थान असलेल्या प्लांटेशन हाऊस येथे आरामदायी जीवन जगत आहेत.

जोनाथनसोबतच डेव्हिड, एम्मा आणि फ्रेड अशी आणखी तीन वृद्ध कासवंही येथे राहतात. 1838 मध्ये जोनाथनचा पहिला फोटो काढण्यात आल्याचे सांगितलं जातं.

सेंट हेलेना येथे जोनाथनच्या वाढदिवसानिमित्त विशेष टपाल तिकिटाच्या प्रकाशन करण्यात येणार आहे. याशिवाय इतरही अनेक कार्यक्रम आयोजित करण्यात आले आहेत.

रविवारी जोनाथनच्या वाढदिवसानिमित्ती जंगी सेलिब्रेशन होईल. यावेळी केक कापला जाईल.

जोनाथनच्या केअर टेकरने 2017 मध्ये एएफपीला दिलेल्या मुलाखतीत सांगितलं होतं की, जोनाथनला गाजर, काकडी, सफरचंद आणि नाशपाती आवडतात.