कोण आहेत यंदाच्या 'शांततेचा नोबेल' पुरस्काराच्या मानकरी ?

व्हेनेझुएलाच्या विरोधी पक्षनेत्या 'मारिया कोरिना मचाडो' यांना यंदाचा नोबेल शांतता पुरस्कार जाहीर झाला असून, लोकशाही आणि मानवाधिकारांसाठी केलेल्या त्यांच्या लढ्याचा गौरव करण्यात आला आहे.

Nobel Prize 2025

शांततेच्या नोबेलसाठी प्रयत्न करणाऱ्या अमेरिकेचे माजी अध्यक्ष डोनाल्ड ट्रम्प यांची अपेक्षा फेटाळली गेली आहे. यंदा हा प्रतिष्ठित पुरस्कार व्हेनेझुएलातील विरोधी पक्षनेते मारिया कोरिना मचाडो यांना जाहीर करण्यात आला आहे.

युद्ध थांबवण्याचे दावे करत शांततेच्या नोबेलसाठी प्रयत्न करणारे ट्रम्प यांना हुलकावणी मिळाली, तर व्हेनेझुएलातील लोकशाहीसाठी लढणाऱ्या मारिया कोरिना मचाडो यांनी या वर्षी 2025 चा नोबेल शांततेचा पुरस्कार जिंकला.

10 ऑक्टोबर रोजी नॉर्वेच्या ओस्लोमध्ये नोबेल समितीने हा पुरस्कार जाहीर केला. मारिया कोरिना मचाडो यांना लोकशाही आणि मानवाधिकार प्रस्थापित करण्यासाठी केलेल्या प्रयत्नांसाठी सन्मानित करण्यात आले आहे.

पुरस्कारामध्ये 7 कोटी रुपयांचा अनुदान आणि सन्मान चिन्ह समाविष्ट आहे.मारिया कोरिना मचाडो यांचा जन्म 1967 मध्ये झाला. त्यांनी राजकारणात सक्रिय प्रवेश केला आणि गेल्या अनेक वर्षांपासून व्हेनेझुएलाच्या राजकारणात सक्रीय आहेत.

2011 ते 2014 या काळात त्यांनी राष्ट्रीय सभेच्या सदस्यपदाची जबाबदारी सांभाळली. सध्या त्या सरकारविरोधातील लोकशाही आंदोलनाचे नेतृत्व करत आहेत.

नोबेल समितीच्या म्हणण्यानुसार, जगभरात हुकुमशाही वाढत असताना आणि लोकशाही कमजोर होत असताना, मारिया कोरिना मचाडो यांसारख्या धाडसी व्यक्तींचे कार्य आशादायक आहे.

लोकशाही ही चिरंतन शांततेची पूर्वशर्ती आहे, आणि सत्ता हिंसा आणि भीतीच्या माध्यमातून जनतेला दडपते तेव्हा अशा व्यक्तींना सन्मान देणे आवश्यक आहे.