Maharashtra Live : महाराष्ट्र लाईव्ह सुपरफास्ट न्यूज : 12 Oct 2025 : 5 PM : ABP Majha

राष्ट्रवादीचे आमदार संग्राम जगताप (Sangram Jagtap) यांनी केलेल्या वादग्रस्त वक्तव्यामुळे राजकीय वातावरण तापले आहे, तर दुसरीकडे काँग्रेस नेते पी. चिदंबरम (P. Chidambaram) यांनी ऑपरेशन ब्लू स्टारबाबत (Operation Blue Star) केलेल्या विधानामुळे काँग्रेसमध्ये नाराजी पसरली आहे. 'नुसती नोटीस देऊन होणार नाही, पक्षातून काढून टाकायला पाहिजे', अशा शब्दात खासदार सुप्रिया सुळे (Supriya Sule) यांनी जगतापांवर कारवाईची मागणी केली आहे. जगताप यांनी 'दिवाळीची खरेदी फक्त हिंदूंकडून करा' असे आवाहन केले होते, ज्यावर पक्षश्रेष्ठींनी त्यांना नोटीस बजावली आहे. मात्र, भाजपचे आमदार गोपीचंद पडळकर (Gopichand Padalkar) यांनी जगताप यांचे समर्थन केले आहे. दुसरीकडे, माजी गृहमंत्री पी. चिदंबरम यांनी 'ऑपरेशन ब्ल्यू स्टार ही मोठी चूक होती', असे मत व्यक्त केल्याने काँग्रेस पक्षश्रेष्ठी नाराज असल्याची माहिती आहे. यासोबतच, ठाकरे बंधू राज आणि उद्धव ठाकरे (Raj and Uddhav Thackeray) यांची पुन्हा एकदा सहकुटुंब भेट झाली आहे.