Wardha: समृद्धी महामार्गावर निलगायला वाचवण्याच्या नादात उलटला ट्रक , वर्ध्यात बियरच्या बाटल्यांचा रस्त्यावर सडा

दारूबंदी असलेल्या जिल्ह्यात ट्रक पलटी झाल्याने परिसरातील नागरिकांची चांगलीच चांदी झालीय.

Feature Photo

समृद्धी महामार्गावर निलगायला वाचवण्याच्या नादात ट्रक पहाटे उलटला आहे.

यावेळी ट्रकमधल्या बियरच्या बाटल्यांचा रस्त्याशेजारीच सडा पडल्याने मिळेल त्या बॉटलसाठी नागरिकांची चांगलीच धावपळ केली

दारूबंदी असलेल्या जिल्ह्यात ट्रक पलटी झाल्याने परिसरातील नागरिकांची चांगलीच चांदी झालीय.

नागपुरच्या वाडी येथील निशा ट्रान्सपोर्ट कंपनीचा एम एच 40 पीएम 2615 क्रमांकाचा ट्रक औरंगाबाद येथील एमआयडीसीतून बिअरचे बॉक्स घेऊन नागपुरच्या दिशेने जात होता.

दरम्यान सदर ट्रकच्या समोर समृद्धी महामार्गावरील महाकाळ शिवारात अचानक मोठी निलगाय आडवी आली.

यावेळी उत्तरप्रदेशच्या लखीमपूर येथील ट्रक चालकाने निलगाईला वाचवण्यासाठी ब्रेक मारला.

मात्र यात ट्रक रस्त्याच्या शेजारील खोलगट भागात पलटी झाला.

ही घटना आज पहाटे साडेचार वाजताच्या सुमारास महाकाळ शिवारातील चॅनेल नंबर 52 प्लस 200 नजिक घडली.

सदर घटनेत अंदाजे 9 ते 10 लाख रुपयांचे नुकसान झाल्याची प्राथमिक माहिती असून सुदैवाने कोणालाही इजा झाली नाही.