Bhushi Dam : पावसाळ्याच्या सुरुवातीलाच भुशी डॅममध्ये दोघे बुडाले, पर्यटनासाठी आले अन् जीव गमावून बसले, पाण्याचा अंदाज न आल्यानं दुर्घटना

Bhushi Dam : पुण्यातील भुशी डॅममध्ये बुडून दोन पर्यटकांचा मृत्यू झाला आहे. पावसाळ्याच्या दिवसात पर्यटकांनी काळजी घेणं आवश्यक आहे.

भुशी डॅममध्ये दोघे बुडाले

लोणावळ्याच्या भुशी धरणाच्या बॅक वॉटर परिसरात धरणाच्या पाण्यात बुडून दोन तरुणांचा दुर्दैवी मृत्यू झालाय.

साहिल शेख आणि मोहम्मद जमाल अशी बुडालेल्या तरुणांची नावे आहेत. हे दोघेही उत्तर प्रदेशचे असल्याची माहिती आहे.

वर्षाविहाराचा आनंद लुटण्यासाठी हे तरुण या ठिकाणी गेले असता पाण्याचा अंदाज न आल्यामुळे ते पाण्यात बुडाल्याचा प्राथमिक अंदाज वर्तविण्यात येतोय.

लोणावळ्याच्या शिवदुर्ग रेस्कयू टीम ने या दोघांचे ही मृतदेह पाण्यातून बाहेर काढले आहेत. यावेळी पोलीस देखील उपस्थित होते.

पावसाळ्याच्या सुरुवातीलाच लोकप्रिय पर्यटन स्थळ असलेल्या भुशी धरणाच्या बॅक वॉटरमध्ये बुडून झाल्यानं आगामी काळात पर्यटकांनी काळजी घेणं आवश्यक आहे.