Parbhani Navratri 2022 : परभणीत जेजुरी गडाचा हुबेहूब देखावा; गडाची प्रतिकृती पाहण्यासाठी भाविकांची मांदियाळी

Parbhani Navratri 2022 : नवरात्रोत्सवाची सुरुवात जल्लोषात होत असतानाच परभणीतील राजे संभाजी मित्र मंडळाने यावेळी चक्क जेजुरीच्या खंडेरायाचा हुबेहूब गडच उभारला आहे.

Parbhani Navratri 2022

सगळीकडे नवरात्रोत्सवाला सुरुवात झाली आहे. भाविक अगदी भक्तिभावाने देवीची पूजा करतायत.

नवरात्रीचा उत्सव जल्लोषात साजरा होत असतानाच विविध ठिकाणी आकर्षक देखावे, दांडियांचे भव्यदिव्य आयोजन करण्यात आले आहे.

अशातच परभणीतील राजे संभाजी मित्र मंडळाने यावेळी चक्क जेजुरीच्या खंडेरायाचा हुबेहूब गडच उभारला आहे.

शहरातील जिल्हा सामान्य रुग्णालयाच्या परिसरात खासदार संजय जाधव यांच्या राजे संभाजी मित्र मंडळाकडून महाराष्ट्राचे आराध्य दैवत असलेल्या जेजुरीच्या खंडेरायाचे दर्शन परभणी करांना करून दिले आहे.

दगडाचा हुबेहूब गड, बाहेरील दीपमाळ उभारण्यात आली आहे.

तसेच खंडेरायाची मूर्ती ही एकदम सारखीच तयार करण्यात आली आहे.

देवाचे मुखवट्यांना नागवेलीच्या पानांची सजावट करण्यात आली आहे.

अतिशय सुंदर आणि हुबेहूब असा हा देखावा पाहण्यासाठी परभणी करांची मोठी गर्दी रोजच इथे होत आहे.