BEST Premium Bus: बेस्टची नवी प्रीमियम सेवा; गारेगार होणार बीकेसी ते ठाणे प्रवास

BEST Premium Bus: बीकेसी ते ठाणे 'बेस्ट' प्रवास.आजपासून सुरू होणार नवीन बेस्टची प्रीमियम सेवा.

BEST Premium Bus

नवीन प्रीमियम बस सेवेत (BEST Premium Bus) प्रवाशांसाठी खास स्वागत सवलत योजना देण्यात आली आहे. एकेरी भाड्यात 5 बस फेऱ्यांचा लाभ मिळणार आहे.

ठाण्यातून मुंबईला प्रवास करणाऱ्या प्रवाशांचा प्रवास गारेगार आणि आरामदायी होणार आहे.

बेस्टची ही सेवा सोमवार ते शनिवार अशी असणार आहे.

बीकेसी ते ठाण्यादरम्यान प्रत्येकी 30 मिनिटांच्या अंतरानं ही सेवा असणार आहे.

ऑल डे रुटसाठी बीकेसी ते वांद्रे स्टेशनदरम्यान सकाळी 8.50 ते संध्याकाळी 5.50 पर्यंत बससेवा असेल.

वांद्रे स्टेशन ते बीकेसी दरम्यान सकाळी 9.25 ते संध्याकाळी 6.25 पर्यंत या प्रीमियम बस चालवल्या जातील.

बेस्टच्या चलो अॅपद्वारे या बसमध्ये आसन आरक्षित करणं शक्य होणार आहे.

बेस्टच्या या बस सेवेचा लाभ तुम्हाला वांद्रे रेल्वे स्थानक ते कुर्ला संकुलापर्यंत घ्यायचा असेल, तर त्यासाठी तुम्हाला तिकीटासाठी 50 रुपये भरावे लागणार आहेत.

जर तुम्हाला या बसमधून वांद्रे कुर्ला संकूल ते ठाण्यापर्यंत प्रवास करायचा असेल, तर त्यासाठी 205 रुपयांचं तिकीट काढावं लागणार आहे.