Just Engaged : झी मराठीवरील लोकप्रिय मालिकेतील ऑनस्क्रीन जोडीचा साखरपुडा; खऱ्याखुऱ्या जीवनातही एकमेकांना साथ देण्याचा निर्णय

Feature_Photo_1

मालिकेत झळकलेल्या सेलिब्रिटी जोडीनं खऱ्याखुऱ्या आयुष्यात सहजीवनाच्या प्रवासाचा निर्णय घेण्याची ही पहिलीच वेळ नाही.

अशाच काही कलाकार जोड्यांच्या यादीत आता आणखी एका गाजलेल्या जोडीची भर पडली आहे.

ही जोडी म्हणजे 'लग्नाची वाईफ वेडिंगची बायकू' या मालिकेतील मदन आणि काजू, अर्थात विजय आंदळकर आणि रुपाली झंकार.

छोट्या पडद्यावर अफलातून जोडीच्या भूमिकेत दिसल्यानंतर आता या दोघांनीही एका नव्या प्रवासाची सुरुवात केली आहे.

नुकताच विजय आणि रुपालीचा साखरपुडा पार पडला. सोशल मीडियावर रुपालीनं या खास दिवसाची काही छायाचित्रंही पोस्ट केली.

अतिशय सुरेख आणि छोटेखानी समारंभात हा साखरपुडा पार पडला.

विजय आणि रुपालीनं छोट्य़ा पडद्याच्या माध्यमातून सर्वांचीच मनं जिकली होती, पण आता खऱ्याखुऱ्या जीवनातही ही जोडी त्यांच्या या निर्णयाने सर्वांची मनं जिंकत आहे.

सोशल मीडियावर चाहत्यांनी ज्यावेळी या जोडीच्या साखरपुड्याचे फोटो पाहिले त्यावेळी लगेचच त्यांच्यावर शुभेच्छांचा वर्षाव झाल्याचं पाहायला मिळालं.

(सर्व छायाचित्र - रुपाली झंकार/ इन्स्टाग्राम)